ولجاس ورداباەۆ قۇرىلىس ماتەريالدارىن شىعاراتىن جەرگىلىكتى كومپانيانىڭ جۇمىسشىلارىمەن كەزدەستى. دەپۋتاتتىققا كانديدات ADAL پارتياسىنىڭ نەگىزگى ماقساتتارى, مىندەتتەرى تۋرالى ايتىپ, اdalpartiyasi.kz سايتىنىڭ قىزمەتتەرى جايىندا ءسوز قوزعادى. ء«سىزدىڭ ايماعىڭىزدىڭ پروبلەمالارى» سەرۆيسىن تالداپ, مۇمكىندىكتەرىن ءتۇسىندىردى. ونداعى دەرەكتەر كەزدەسۋگە قاتىسۋشىلاردىڭ قىزىعۋشىلىعىن تۋدىردى. كومپانيا قىزمەتكەرلەرى مەملەكەت ايماق تۇرعىندارىنىڭ زەينەتكە شىعۋ جاسىن قايتا قاراۋى كەرەكتىگىن العا تارتتى. «تەك مەنىڭ وتباسىمدا ءتورت بۋىننىڭ پروبلەماسى بار. جاقىندا اكەم قايتىس بولدى, تۋىستارىم ونكولوگيادان كوز جۇمدى. مۇنىڭ ءبارى يادرولىق پوليگوننىڭ زالالىنىڭ سالدارى. بىزدە 70 جىل – ۇزاق ءومىر ءسۇرۋ جاسى بولىپ سانالادى, ەلەستەتىپ كورىڭىزشى؟ زەينەتكەرلىك جاستى قايتا قاراۋ قاجەت», دەدى ازاماتتاردىڭ ءبىرى.
و.ورداباەۆ اگروبيزنەس جانە ەكونوميكا كوللەدجىندە جاستارمەن جانە وقىتۋشىلارمەن كەزدەسۋ كەزىندە قاتىسۋشىلار پارتيانىڭ سايلاۋالدى باعدارلاماسىنىڭ ءبىلىم بەرۋ بلوگىنا نازار اۋداردى. ولار مۇعالىم مارتەبەسىنە توقتالىپ, بارلىق ساناتتاعى ۇستازدار ءۇشىن ەرەكشە مارتەبە الۋدىڭ ماڭىزدىلىعىن اتاپ ءوتتى. «بيىل مۇعالىمدەر مارتەبەسى تۋرالى زاڭ قابىلداندى, بىراق ول كوبىنەسە مەكتەپ مۇعالىمدەرىنە قاتىستى. مۇعالىمدەردى ءبولىپ-جارۋعا بولمايدى, اركىمنىڭ لايىقتى مارتەبەسى بولۋى كەرەك دەيمىز. بۇل ويدان شىعارىلعان نارسە ەمەس. ءبىز بۇعان قول جەتكىزە الامىز», دەدى پارتيا وكىلى.
كوللەدج وقىتۋشىلارى ءبىلىم بەرۋ ۇيىمدارىن قارجىلاندىرۋدىڭ جەتكىلىكسىزدىگى ماسەلەسىن ايتتى. سونىمەن قاتار دۋالدى وقىتۋ پروبلەماسىن اتاپ ءوتتى. مۇعالىمدەر پراكتيكالىق ساعاتتاردىڭ سانىن كوبەيتۋدى سۇراپ وتىر.
كوپ بالالى وتباسىلارمەن جانە كاسىپكەرلەرمەن وتكىزىلگەن كەزدەسۋلەردە تۇرعىندار بىرقاتار تۇيتكىلدى ماسەلەنى كوتەردى. ونىڭ ىشىندە تۇرعىن ءۇيدىڭ جەتىسپەۋشىلىگى, العاشقى تولەمگە قاراجاتتىڭ تاپشىلىعى, پاتەر الۋدى جەڭىلدەتەتىن جاڭا جاعدايلاردى ازىرلەۋ قاجەتتىلىگى سىندى ماسەلە بار. سونىمەن قاتار تۇرعىندار بيزنەسكە ارنالعان گرانتتاردى ءبولۋدىڭ اشىقتىعىن قامتاماسىز ەتۋگە نيەت ءبىلدىردى. «جەر وتە كوپ, بىراق ونى ساتىپ الۋ مۇمكىن ەمەس, ال جالعا الۋ وتە قىمبات. اكىمدىك جەر ۋچاسكەلەرىن پايدالانۋعا مۇلدەم مۇمكىندىك بەرمەيدى», دەپ شاعىمداندى كاسىپكەرلەردىڭ ءبىرى.
داۋلەت مۇقاەۆ پارتيانىڭ ۆەب-سايتى ارقىلى بەلگىلى ءبىر ايماقتا مەملەكەت قارجىسىنىڭ نەگە جۇمسالاتىنىن ناقتى كورسەتتى: «بيۋدجەت قاراجاتى جەرگىلىكتى حالىقتىڭ ناقتى پروبلەمالارى مەن قاجەتتىلىكتەرىن ەسكەرە وتىرىپ, جۇمسالۋى كەرەك», دەگەن ول پارتيانىڭ ۇستانىمى وسىعان ساياتىنىن ايتتى.
تالدىقورعاندا ءماجىلىس دەپۋتاتتىعىنا ۇمىتكەر ءلاززات شىڭعىسباەۆا دا كاسىپكەرلەرمەن جانە جاستارمەن كەزدەسۋلەر وتكىزۋدى جالعاستىردى. ول قالانىڭ ورتالىق بازارىنىڭ قىزمەتكەرلەرىمەن جۇزدەستى. كاسىپكەرلەر پارتيا بىرقاتار ماسەلەنى شەشۋگە ۇلەس قوسسا دەگەن تىلەكتەرىن ءبىلدىردى. ولاردىڭ پىكىرىنشە, مەديتسينالىق ساقتاندىرۋ قورىنا اۋدارىمدار تەك ەرىكتى تۇردە جۇرگىزىلىپ, جاس ۇرپاق ءۇشىن جاڭا جاستار ساياساتى ىسكە اسىرىلۋى كەرەك. ونىڭ شەڭبەرىندە, ەڭ الدىمەن, جۇمىسپەن قامتۋ جانە ءوز-وزىنە قىزمەت كورسەتۋدى جۇزەگە اسىرۋ ءۇشىن جاڭا مۇمكىندىكتەر جاساۋ قاجەت.
