«7-20-25» يپوتەكالىق باعدارلاماسىنىڭ نەگىزگى ارتىقشىلىقتارى ونىڭ اتاۋىنان كورىنەدى. نەسيەلەر جىلدىق 7% تارتىمدى پايىزدىق مولشەرلەمەمەن, ساتىپ الىنعان تۇرعىن ءۇي قۇنىنىڭ 20% باستاپقى تولەمىمەن 25 جىلعا دەيىنگى مەرزىمگە بەرىلەدى. وسى باعدارلاما بويىنشا جىلجىمايتىن م ۇلىكتى تەك باستاپقى نارىقتا عانا قۇرىلىس سالۋشىدان ساتىپ الۋعا بولادى. ساتىپ الىناتىن تۇرعىن ءۇيدىڭ ماكسيمالدى قۇنى نۇر-سۇلتان, الماتى قالالارى ءۇشىن – 25 ميلليون تەڭگە جانە اقتاۋ, اتىراۋ, شىمكەنت قالالارى ءۇشىن 20 ميلليون تەڭگە.
«باسپانا حيت» باعدارلاماسى بويىنشا Altyn Bank-ءتىڭ الەۋەتتى كليەنتتەرى يپوتەكالىق نەسيەگە جاڭا, سونىمەن قاتار قايتالاما تۇرعىن ءۇي ساتىپ الۋعا ءوتىنىش بەرە الادى. ساتىپ الىناتىن تۇرعىن ءۇيدىڭ ماكسيمالدى قۇنى نۇر-سۇلتان, الماتى قالالارى ءۇشىن – 35 ميلليون تەڭگە جانە اقتاۋ, اتىراۋ, شىمكەنت قالالارى ءۇشىن – 25 ميلليون تەڭگە. بۇل شارتتار كليەنتتەر ءۇشىن جىلجىمايتىن م ۇلىك تاڭداۋدى ەداۋىر كەڭەيتەدى. «باسپانا حيت» باعدارلاماسىنىڭ شارتتارى بويىنشا نەسيەلەر 15 جىلعا دەيىنگى مەرزىمگە بەرىلەدى, باستاپقى تولەم ساتىپ الىنعان تۇرعىن ءۇيدىڭ نارىقتىق قۇنىنىڭ كەم دەگەندە 20%-ىن قۇرايدى. يپوتەكالىق قارىز تەڭگەمەن جىلىنا 10,75% مولشەرلەمە (اعىمداعى كۇنگە) بويىنشا بەرىلەدى. سىياقى مولشەرلەمەسىنىڭ ناقتى مولشەرى نەسيە بەرىلگەن كۇنى انىقتالادى.
وسى باعدارلامالار بويىنشا الەۋەتتى قارىز الۋشىعا قويىلاتىن نەگىزگى تالاپتار – قازاقستان رەسپۋبليكاسىنىڭ ازاماتتىعى, جاسى 21-دەن 60 جاسقا دەيىن, راستالعان كىرىسىنىڭ بولۋى قاجەت جانە تولەنبەگەن يپوتەكالىق قارىزى, جەكە تۇرعىن ءۇيى بولماۋى ءتيىس.
ء«بىز ءار كليەنتتىڭ يپوتەكا بويىنشا وزىنە ىڭعايلى جانە قولجەتىمدى شارتتاردى تاڭداي الۋىن قالايمىز. «7-20-25» جانە «باسپانا حيت» باعدارلامالارىنا قاتىسۋ ءبىزدىڭ كليەنتتەرگە ەڭ قولايلى نارىق شارتتارىمەن يپوتەكالىق نەسيە الۋعا مۇمكىندىك بەرەدى», دەيدى «Altyn Bank» اق بولشەك ساۋدا بيزنەسى دەپارتامەنتىنىڭ ديرەكتورى جانار شالاباەۆا.
كەڭەستەردى +7 (727) 35-65-777 ءنومىرى بويىنشا الۋعا بولادى. وتىنىمدەر نۇر-سۇلتان, الماتى, اقتاۋ, اتىراۋ جانە شىمكەنت قالالارىنداعى Altyn Bank فيليالدارى مەن بولىمشەلەرىندە قابىلدانادى.
