جيىندا ءحىح عاسىر مەن حح عاسىردىڭ باستاپقى كەزەڭىندەگى قازاقستان تاريحىنا ارنالعان بەسىنشى تومنىڭ قولجازباسى قارالدى.
رەداكتسيا القاسى مۇشەلەرىنىڭ ۇسىنىستارى نەگىزىندە جاڭارعان بەسىنشى تومنىڭ قۇرىلىمى مەن مازمۇنىن اۆتورلار ۇجىمىنىڭ جەتەكشىسى, تاريح عىلىمدارىنىڭ دوكتورى, ش.ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, اكادەميك زيابەك قابىلدينوۆ تانىستىردى.
رەداكتسيا القاسى بەسىنشى تومنىڭ قولجازباسىن بەكىتىپ, باسپاعا دايىنداۋ تۋرالى شەشىم قابىلدادى.
بۇدان كەيىن اكادەميالىق باسىلىمنىڭ كەڭەستىك كەزەڭدەگى قازاقستان تاريحىنا ارنالعان التىنشى تومىنىڭ قولجازباسى قارالدى.
اتالعان تومنىڭ تۇجىرىمداماسىن, قۇرىلىمى مەن مازمۇنىن اۆتورلار ۇجىمىنىڭ جەتەكشىسى, تاريح عىلىمدارىنىڭ كانديداتى كۇلعازيرا بالتاباەۆا تانىستىردى.
سونىمەن قاتار تاريح عىلىمدارىنىڭ دوكتورى, پروفەسسور بۇركىتباي اياعاننىڭ, الەۋمەتتانۋ عىلىمدارىنىڭ دوكتورى, فيلوسوفيا, ساياساتتانۋ جانە ءدىنتانۋ ينستيتۋتىنىڭ باس ديرەكتورى ايگۇل سادۋاقاسوۆانىڭ, «التەرناتيۆا» وزەكتى زەرتتەۋلەر ورتالىعىنىڭ ديرەكتورى, ساياسي عىلىمدار كانديداتى اندرەي چەبوتارەۆتىڭ رەتسەن-زييالارى تىڭدالدى.
رەداكتسيا القاسىنىڭ مۇشەلەرى ديحان قامزابەك ۇلى, ەركىن ءابىل, گالينا كسەنجيك, راديك تەمىرعاليەۆ, مامبەت قويگەلديەۆ, حانكەلدى ءابجانوۆ, كەنجەحان ماتىجانوۆ, ورازاق سماعۇلوۆ, بەرەكەت كارىباەۆ, جاقسىلىق ءسابيتوۆ, ايبولات كۇشكىمباەۆ, نۇرسان ءالىمباي, ايدوس سارىم, ءسابيت شىلدەباي, بەرىك ابدىعالي ۇلى, ميحايل اكۋلوۆ, تاعى باسقالارى ءوز وي-پىكىرلەرىن ورتاعا سالدى.
جيىن سوڭىندا رەداكتسيا القاسى «قازاقستان تاريحى: ەجەلگى داۋىردەن بۇگىنگە دەيىن» اكادەميالىق باسىلىمىنىڭ التىنشى تومىن قاراۋدى كەلەسى وتىرىستا جالعاستىرۋ جونىندە شەشىم قابىلدادى.
