ء«وزىنىڭ تاڭعاجايىپ تابيعاتىمەن ءماشھۇر ىلە الاتاۋىنىڭ تاۋلارى الماتىلىقتار مەن قالا قوناقتارى ءۇشىن كورىكتى ءارى تارتىمدى مەكەننىڭ ءبىرى. بۇل رەتتە تاۋدا قاۋىپسىزدىك شارالارىن ساقتاعان ءجون. ءبىز ءوز كەزەگىمىزدە وسىنداي جورىقتاردىڭ قاۋىپسىزدىگىن قامتاماسىز ەتۋ ءۇشىن ينفراقۇرىلىمدى جاقسارتۋ بويىنشا جۇمىستاردى قولعا الدىق», - دەپ اتاپ ءوتتى ب. ساعىنتاەۆ.
ونىڭ ايتۋىنشا, الماتىنىڭ تاۋ كلاستەرىن دامىتۋ اياسىندا مىڭ شاقىرىمنان استام تاۋ باعىتتارى تسيفرلاندىرىلدى, ونىڭ ىشىندە جالپى ۇزىندىعى 500 شاقىرىم بولاتىن 36 باعىت اباتتاندىرىلدى.
«قازىردىڭ وزىندە مىڭ شاقىرىمنان استام تاۋ مارشرۋتتارىن تسيفرلادىق, ونىڭ جالپى ۇزىندىعى 500 شاقىرىم بولاتىن 36-سى اباتتاندىرىلدى. مارشرۋتتاردىڭ سحەماسى مەن ونىڭ كۇردەلىلىگى كورسەتىلگەن اقپاراتتىق ستەندتەر ورناتىلدى. 2021 جىلى 120 شاقىرىمعا جەتەتىن تاۋ جولى اباتتاندىرىلماق. كىشى جانە ۇلكەن الماتى شاتقالىندا ەكى باقىلاۋ-قۇتقارۋ پۋنكتىنىڭ قۇرىلىسى قاراستىرىلعان. 16 تاۋ قۇتقارۋشىسى تاۋلىك بويى كەزەكشىلىك ەتەدى», - دەپ جازدى ب. ساعىنتاەۆ.
مەگاپوليس اكىمى شالعاي ورنالاسقان 14 توراپتىق ۋچاسكەلەردە تۋريستەردىڭ كۇردەلى اۋا رايى جاعدايلارىن كۇتە الاتىن ارنايى قورعانۋ ورىندارىنىڭ ۇيىمداستىرىلاتىنىن اتادى.
«شالعايدا ورنالاسقان 14 توراپتىق ۋچاسكەدە كۇردەلى اۋا رايى جاعدايلارىن كۇتۋگە بولاتىن پانالاۋ ورىندارىن ۇيىمداستىرامىز. «تۇيىق سۋ» شاتقالىندا تىكۇشاق الاڭىن قۇرۋ جوسپاردا بار. ءتۇرلى نۇكتەلەردە دابىل تۇيمەلەرى بار 10 راديورەلەلىك دىڭگەكتەردى ورناتۋ جانە «Tau Go» سمارت-ناۆيگاتور قوسىمشاسىن ازىرلەۋ كوزدەلگەن», - دەپ اتاپ ءوتتى قالا اكىمى ب. ساعىنتاەۆ.
«شىمبۇلاق» تك ۆيزيت-ورتالىقتارىنىڭ بازاسىنداعى جانە «مەدەۋدىڭ» بازالىق ستانساسىنداعى تاۋ بەتكەيلەرىندە ساقتىق ەرەجەلەرىن كۇشەيتۋ ءۇشىن تاۋعا شىعار الدىنداتۇراقتى تۇردە نۇسقاۋلىقتار وتكىزىلەدى, ەكسكۋرسيا جۇرگىزەتىن كاسىبي گيدتارمەن بىرگە ساياحاتتار ۇيىمداستىرىلادى.
