وبلىس اكىمى ومىرزاق شوكەەۆ سۋ كەشەنىنىڭ جاڭا باستالعان قۇرىلىس الاڭىندا بولدى. ەسكەك ەسۋ جəنە بايداركا سپورتى بويىنشا وليمپيادالىق ستاندارتقا ساي ورتالىق 100 گەكتارعا جۋىق الاڭدا ورنالاسادى. كانالدىڭ جالپى ۇزىندىعى – 2222, ەنى – 260, تەرەڭدىگى 4 مەتر. تولىق ساراپتاۋ جۇرگىزىلىپ, كونتسەپتسيالىق جوبا ازىرلەنگەن. سپورت كەشەندە قوناقۇي, ۆەلوجولاق, باسسەين, ەللينگ, كانوەگە ارنالعان پيرستەر, كورەرمەندەرگە ارنالعان تابلو, تريبۋنالار, ارالداردى قوساتىن كوپىر جانە تاعى باسقا نىساندار ورنالاسادى.
سونىمەن قاتار وبلىس اكىمى دراما تەاترىنىڭ, وبلىستىق عىلىمي-امبەباپ كىتاپحانانىڭ, 6,7 جانە 8 قاباتتى 14 تۇرعىن ءۇيدىڭ, ەكى داڭعىلدى قوساتىن جاڭا كوپىردىڭ جوبالارىمەن تانىستى. جۇمىس بارىسىن بايانداعان جاۋاپتى مەردىگەرلەرگە ناقتى تاپسىرمالار بەرىپ, جوبالارعا وزگەرىستەر ەنگىزدى. قالا ىرگەسىندە ورنالاسقان دەندروباقتا, ياعني 27 گەكتار جاسىل اۋماقتا سان ءتۇرلى جەمىس اعاشتارى مەن كوپجىلدىق وسىمدىك تۇرلەرى وسىرىلەدى. اكاتسيا, تالشىن, كاتالپا, ەلدار قاراعايى, قارا جانە قىرىم قاراعايلارى, شىنار سىندى 12 000 اعاش ءتۇرى ەگىلۋدە. ومىرزاق ەستاي ۇلى ەگىلەتىن كوشەت سانىن كوبەيتىپ, جاساندى كولدىڭ كولەمىن ۇلكەيتۋدى تاپسىردى. سونداي - اق, وبلىس اكىمى "كەرۋەن ساراي" كەشەنىندە بولدى. ينۆەستيتسيالىق جوبا الداعى ناۋرىز ايىندا تولىق اياقتالىپ, ەل يگىلىگىنە بەرىلمەك.
