ساياسات • 05 قاڭتار، 2021

پارتيانىڭ باسىم باعىتتارى ءتۇسىندىرىلدى

36 رەت كورسەتىلدى

پەتروپاۆل قالاسىندا پارلامەنت ءماجىلىسىنىڭ دەپۋتاتتىعىنا كانديدات ەسجان ورازالين مەن وبلىستىق ءماسليحات دەپۋتاتتىعىنا كانديدات سەرگەي لەونتەۆ «پريۆوكزالنىي» شاعىن اۋدانىنىڭ تۇرعىندارىمەن كەزدەستى. Nur Otan وكىلدەرى قالالىقتارمەن تكش جانە قالانى اباتتاندىرۋ ماسەلەلەرىن تالقىلادى.

كەزدەسۋ بارىسىندا «وڭىرلىك سايلاۋالدى باعدارلاما اياسىندا «كازاحستانسكايا پراۆدا» كوشەسىندە كابەلدى جوعارى ۆولت­تى جەلىلەر مەن ءبىر ترانسفورماتورلىق قوسالقى ستانسانى قايتا قۇرۋ جوسپارلارى قاراستىرىلعان. پارتيا جىلۋمەن جابدىقتاۋ جەلىلەرىن سالۋ مەن قايتا قۇرۋعا قول جەتكىزەتىن بولادى. سونداي-اق سۋمەن جابدىقتاۋ جانە سۋ بۇرۋ جەلىلەرىن سالۋ جانە قايتا قۇرۋ جوسپاردا بار»، دەدى ەسجان ورازالين.

وسىلايشا جەلىلەردىڭ توزۋ دەڭگەيى تومەندەيدى. سونىمەن قاتار پارتيا مۇشەلەرى تۇرعىن ۇيلەردىڭ اۋلالارىن، بالالار ويىن الاڭدارىن جانە اۋلاىشىلىك جولداردى جوندەۋدى جانە اباتتاندىرۋدى جوسپارلاپ وتىر.

كانديداتتار پارتيانىڭ جوسپارلارىن جۇزەگە اسىرۋ ءۇشىن سايلاۋشىلاردىڭ قولداۋى قاجەت ەكەنىن اتاپ ءوتتى.

سونداي-اق ءماجىلىس دەپۋتاتتىعىنا ۇمىتكەر جادىرا تاڭاتاروۆا «ەسىكتەن ەسىككە» اكتسياسى اياسىندا سايرام ەلدى مەكەنىندەگى تاسساي تۇرعىن الابىنىڭ تۇرعىندارىمەن كەزدەستى. ءوز كەزەگىندە تۇرعىندار Nur Otan پارتياسىنىڭ وكىلىن جىلى، مەرەكەلىك كوڭىل كۇيمەن قابىلداپ، جۇمىستارىنا تابىس تىلەدى.

جادىرا ناعاشىبايقىزى تۇرعىندارعا Nur Otan پارتياسىنىڭ سايلاۋالدى باعدارلاماسىن تانىستىردى. سونداي-اق باعدارلامانىڭ باسىم بولىگى قالا تۇرعىندارىنان پرايمەريز كەزەڭىندە كەلگەن 685 ۇسىنىس نەگىزىندە دايىندالعانىن جەتكىزدى.

«Nur Otan پارتياسى حالىقتىق پار­تيا جانە ءاردايىم حالىقتىق پارتيا بولىپ قالا بەرەدى. ويتكەنى باس پارتيا ەلىمىزدىڭ ءاربىر ازاماتىنىڭ تاعدىرى ءۇشىن جاۋاپ بەرەدى. Nur Otan پارتياسى قۋاتتى جانە تابىستى مەملەكەتتىڭ قالىپ­تاسۋىنا ىقپال ەتەدى. پارتيا ەلىمىز­دىڭ ءاربىر ازاماتىنىڭ ماسەلەلەرىن جاق­سى بىلەدى جانە تۇسىنەدى. باس پارتيادا قازاق­ستاندىقتاردىڭ ءومىر ءسۇرۋ ساپاسىن جاقسارتۋعا بارلىق رەسۋرستار بار»، دەپ اتاپ ءوتتى ج.تاڭاتاروۆا.

سونداي-اق ج.تاڭاتاروۆا Nur Otan پار­تياسىنىڭ سايلاۋالدى باعدار­لاما­سىنداعى شىمكەنت قالاسىنىڭ دامۋى مەن حالىقتىڭ ءال-اۋقاتىن جاقسارتۋعا باعىتتالعان نەگىزگى 10 باعىتىن (تۇرعىن ۇيمەن قامتاماسىز ەتۋ، الەۋمەتتىك سالانى دامىتۋ، ەكونوميكالىق الەۋەتتى جاقسارتۋ، شاعىن جانە ورتا بيزنەستىڭ دامۋىنا جاعداي جاساۋ، شالعايداعى ەلدى مەكەندەردى كوركەيتۋ، ەكولوگيالىق احۋالدى جاقسارتۋ، جول جانە كولىك ينفراقۇرىلىمى، قوعامدىق قاۋىپسىزدىك، جاستاردى قولداۋ، قالانى تسيفرلاندىرۋ) تانىستىرىپ، الداعى 5 جىل كولەمىندە جۇرگىزىلەتىن جۇمىستارعا توقتالىپ ءوتتى.

كەزدەسۋ بارىسىندا تۇرعىندار قو­عامداعى وزەكتى بولىپ تابىلاتىن دەن­ساۋلىق ساقتاۋ، مۇمكىندىگى شەكتەۋلى جانداردى قولداۋ، جولدار جانە كولىك ينفراقۇرىلىمى سىندى ماسەلەلەر بويىن­شا ءوز سۇراقتارىن قويدى. كەزدەسۋدە جەرگىلىكتى حالىق وكىلى، اقساقال اسان سەرىكباەۆ قاتاڭ كارانتين كەزىندە پارتيا ناقتى كومەك كورسەتكەنىن ايتتى. سونىمەن قاتار ول بۇكىل وتباسىمەن 10 قاڭتاردا سايلاۋ ۋچاسكەسىنە بارىپ، ءوز تاڭداۋلارىن جاسايتىنىن جەتكىزدى.

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار