قۇتقارۋشىلار وندا ءتۇنى بويى جۇمىس ىستەگەن. ىزدەۋ جۇمىستارىن بورپىلداق توپىراق, اۋا رايىنىڭ قولايسىزدىعى جانە جارىقتىڭ جەتىسپەۋشىلىگى قيىنداتتى.
ء«بىز كوشكىن جۇرگەن اۋداندا وتە كۇردەلى جۇمىس اتقاردىق. مۇنداعى جەر جۇمساق, جابىسقاق, اراسىندا سىنىقتار وتە كوپ. جەردى باتىس جاقتان قازۋدى, اعاش ماتەريالدار مەن پەنوپوليستيرولدى قولدانىپ, جاياۋ جۇرگىنشىلەرگە ارنالعان جولدار سالۋدى شەشتىك», دەدى قۇتقارۋشىلار كومانداسىنىڭ كومانديرى كنۋت حالۆورسەن.
سارسەنبىدە جۇرگەن كوشكىن سالدارىنان بىرنەشە تۇرعىن ءۇي باتپاقتىڭ استىندا قالىپ قويعان. 10 ادام زارداپ شەگىپ, بىرەۋى اۋرۋحاناعا جەتكىزىلدى, تاعى 11 ادام ءىز-ءتۇزسىز جوعالعاندار ەسەبىندە تۇر.
نورۆەگيانىڭ پرەمەر-ءمينيسترى ەرنا سولبەرگ بۇنىڭ ەل تاريحىنداعى وسى تەكتەس ەڭ ءىرى وقيعالاردىڭ ءبىرى ەكەنىن مالىمدەدى. 700-دەن استام جەرگىلىكتى تۇرعىن قاۋىپسىز جەرگە شىعارىلدى. بيلىك تاعى 1500-عا جۋىق ادامدى كوشىرۋ قاجەت بولۋى مۇمكىن ەكەنىن مالىمدەدى.
