مينيستر «قوعامدىق كەڭەستەر تۋرالى» زاڭ قوعامدىق كەڭەس مۇشەلەرىنىڭ قۇقىقتارى مەن مىندەتتەرىن ايتارلىقتاي كەڭەيتىپ, ولاردىڭ كۆازيمەملەكەتتىك سەكتوردىڭ, سونداي-اق ساتىپ الۋ كوميسسيالارىنىڭ جۇمىسىنا تارتىلۋىن قاراستىراتىنىن ايتتى.
«بۇگىن مەملەكەت باسشىسى قاسىم-جومارت توقاەۆ «قوعامدىق كەڭەستەر تۋرالى» زاڭعا ەلدە 2015 جىلدان بەرى ءساتتى جۇمىس ىستەپ كەلە جاتقان اتالعان قوعامدىق ينستيتۋتتاردىڭ قىزمەتىن جاڭا دەڭگەيگە شىعاراتىن بىرقاتار تۇزەتۋگە قول قويدى.
جان جاقتى تالقىلاۋ بارىسىندا ساراپشىلار, قوعام قايراتكەرلەرى جانە حالىقارالىق ۇيىمداردىڭ بارلىق ۇسىنىستارى مەن ەسكەرتۋلەرى ەسكەرىلدى.
وسىلايشا, زاڭ قوعامدىق كەڭەس مۇشەلەرىنىڭ قۇقىقتارى مەن مىندەتتەرىن ايتارلىقتاي كەڭەيتىپ, ولاردىڭ كۆازيمەملەكەتتىك سەكتور, سونداي-اق ساتىپ الۋ كوميسسيالارىنىڭ جۇمىسىنا تارتىلاۋىن قاراستىرادى. وسىدان باستاپ اشىقتىق پەن ەسەپ بەرۋگە مىندەتتىلىك تەك مەملەكەتتىك ورگانداردا عانا ەمەس, كۆازيمەملەكەتتىك سەكتوردا دا مۇلتىكسىز ساقتالادى.
بۇدان باسقا, زاڭ قوعامدىق كەڭەستەردى قۇرۋ مەحانيزمدەرىن جەتىلدىرۋدىڭ جان-جاقتى مۇمكىندىگىن بەرىپ وتىر. قوعامدىق كەڭەستەر ۇەۇ جوبالارى مەن جولداۋلارىن ولاردىڭ باسىمدىعى مەن قوعامدىق ماڭىزدىلىعىنا سايكەس قاراستىرىپ, وزدىگىنەن شەشىم قابىلداۋ قۇقىعىنا يە.
تاعى ءبىر ماڭىزدى جاڭالىق – قوعامدىق كەڭەستەردىڭ قىزمەتىن ماتەريالدىق قامتاماسىز ەتۋ ماسەلەسى شەشىمىن ۋاقتىلى تاپتى.
قوعامدىق كەڭەستەر قىزمەتىن ۇيلەستىرەتىن, ادىستەمەلىك جاعىنان قامتاماسىز ەتەتىن وكىلەتتى ورگان بولىپ اقپارات جانە قوعامدىق دامۋ مينيسترلىگى بەكىتىلدى», دەپ تۇيىندەدى ايدا بالاەۆا.
ەسكە سالا كەتسەك, بۇگىن مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق كەڭەستەردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
