«كوروناۆيرۋس ينفەكتسياسىمەن سىرقاتتانۋشىلىق جاعدايى بۇكىل الەم بويىنشا تۇراقسىز. الەمنىڭ 220 ەلىندە كۆي-مەن اۋىرعان 84 000 000 جاعداي تىركەلدى, ونىڭ ىشىندە 1 840 000 ادام وسى دەرت سالدارىنان كوز جۇمدى (2,2%). ءبىزدىڭ ەلىمىزدە 156 943 ناۋقاس COVID-19 جۇقتىرعان جانە 45 946 ادامعا كۆي دياگنوزى قويىلعان», دەيدى دەنساۋلىق ساقتاۋ ءمينيسترى.
ۆەدومستو باسشىسى قازىرگى تاڭدا ەلىمىزدە ەم-دوم العانداردىڭ ادامداردىڭ سانى 87%-عا دەيىن وسكەنىن تىلگە تيەك ەتتى.
«ال ماۋسىم-شىلدە ايىندا جازىلىپ شىققاندار قاتارى 60% اسپايتىن. رەسپۋبليكا قاۋىپى تومەن – «جاسىل» ايماقتا تۇر. تاۋەكەلى جوعارى نەمەسە «قىزىل» ايماقتا اتىراۋ وبلىسى قالدى, تاۋەكەلى ورتاشا نەمەسە «سارى» اۋماقتا 6 ءوڭىر: سقو, اقمولا, قوستاناي, پاۆلودار وبلىستارى مەن نۇر-سۇلتان, الماتى قالالارى قالدى», دەيدى الەكسەي تسوي.
