رەسەي پرەزيدەنتى ۆلاديمير پۋتين جاڭا جىلمەن قۇتتىقتاۋىندا رەسەي مەن قازاقستان اراسىنداعى قارىم-قاتىناستاردىڭ ستراتەگيالىق سەرىكتەستىك جانە وداقتاستىق رۋحىندا تابىستى دامىپ كەلە جاتقانىن ايتقان.
– بيىلعى جىلى باۋىرلاس حالىقتارىمىزدىڭ يگىلىگى ءۇشىن, ەۋرازيا قۇرلىعىنداعى تۇراقتىلىق پەن قاۋىپسىزدىكتى نىعايتۋ ماقساتىندا ەكىجاقتى, ايماقتىق جانە حالىقارالىق كۇن تارتىبىندەگى وزەكتى ماسەلەلەر بويىنشا تابىستى جۇمىسىمىزدى ودان ءارى جالعاستىرا بەرەمىز دەپ سەنەمىن. قۇرمەتتى قاسىم-جومارت كەمەل ۇلى, سىزگە جانە جاقىندارىڭىزعا زور دەنساۋلىق پەن اماندىق, ال قازاقستان حالقىنا بەيبىتشىلىك, باقىت جانە ءوسىپ-وركەندەۋ تىلەيمىن, – دەلىنگەن رەسەي باسشىسىنىڭ جەدەلحاتىندا.
وزبەكستان پرەزيدەنتى شاۆكات ميرزيوەۆ ءوزىنىڭ قۇتتىقتاۋ جەدەلحاتىندا 2020 جىلى ەكىجاقتى ىنتىماقتاستىقتى دامىتۋداعى زور جەتىستىكتەردى اتاپ وتكەن. وزبەك كوشباسشىسى ءوزارا ءتيىمدى كەلىسىمدەر مەن بىرلەسكەن جوبالاردىڭ, ونىڭ ىشىندە ساياسي, ساۋدا-ەكونوميكالىق, كولىك, ەنەرگەتيكالىق, ونەركاسىپتىك كووپەراتسيا بويىنشا, مادەني-گۋمانيتارلىق جانە وڭىرارالىق ىنتىماقتاستىقتىڭ قارقىندى جۇزەگە اسىرىلۋىن وتە جوعارى باعالاعان. ء«بىزدىڭ كوپ باعىتتى جانە ۇزاق مەرزىمدى ستراتەگيالىق ارىپتەستىگىمىز بەن دوستىق قارىم-قاتىناسىمىز الداعى ۋاقىتتا دا قارقىندى دامي بەرەتىنىنە سەنىمدىمىن», – دەلىنگەن جەدەلحاتتا.
بەلارۋس پرەزيدەنتى الەكساندر لۋكاشەنكو بەلارۋس پەن قازاقستان ءوزارا تۇسىنىستىككە, بەرىك دوستىققا جانە سىيلاستىققا قۇرىلعان ۇزاق مەرزىمدى سەرىكتەستىك قارىم-قاتىناستارعا ادالدىعىن بىرنەشە رەت دالەلدەگەنىن اتاپ وتكەن. «2021 جىلى ءبىز بەلارۋس-قازاقستان ىنتىماقتاستىعىنىڭ الەۋەتىن تولىق پايدالانۋعا, جاڭا جاسامپاز باستامالاردى جۇزەگە اسىرۋعا كىرىسەتىنىمىزگە سەنىمدىمىن», – دەلىنگەن جەدەلحاتتا.
سونىمەن قاتار قاسىم-جومارت توقاەۆتى قحر توراعاسى سي تسزينپين, ازەربايجان پرەزيدەنتى يلحام اليەۆ, ارمەنيا پرەزيدەنتى ارمەن ساركيسيان, ارمەنيا پرەمەر-ءمينيسترى نيكول پاشينيان, قىرعىزستان پرەزيدەنتىنىڭ مىندەتىن اتقارۋشى تالانت مامىتوۆ, تاجىكستان پرەزيدەنتى ەمومالي راحمون, ۋكراينا پرەزيدەنتى ۆلاديمير زەلەنسكي, گەرمانيا پرەزيدەنتى فرانك-ۆالتەر شتاينمايەر, گەرمانيانىڭ فەدەرالدى كانتسلەرى انگەلا مەركەل, ۇلىبريتانيا پرەمەر-ءمينيسترى بوريس دجونسون, ءباا پرەزيدەنتى حاليفا بەن زايد ءال ناحايان, ءباا ۆيتسە-پرەزيدەنتى, پرەمەر-ءمينيسترى مۇحاممەد بەن راشيد ءال ماكتۋم, ابۋ-ءدابيدىڭ تاق مۇراگەرى, ءباا قارۋلى كۇشتەرى باس قولباسشىسىنىڭ ورىنباسارى مۇحاممەد بەن زايد ءال ناحايان, يوردانيا كورولى II ابداللا, كۋۆەيت ءامىرى ناۆاف ءال-احمەد ءال-دجابەر اس-ساباح, اۋعانستان پرەزيدەنتى مۇحاممەد اشراف عاني, يران پرەزيدەنتى حاسان رۋحاني, مىسىر پرەزيدەنتى ابدەل فاتتاح اس-سيسي, پولشا پرەزيدەنتى اندجەي دۋدا, فينليانديا پرەزيدەنتى ساۋلي نينيستيو, ليتۆا پرەزيدەنتى گيتاناس ناۋسەدا, لاتۆيا پرەزيدەنتى ەگيلس لەۆيتس, يرلانديا پرەزيدەنتى مايكل حيگگينس, سينگاپۋر پرەزيدەنتى حاليما ياكوب, سلوۆەنيا پرەزيدەنتى بورۋت پاحور, حورۆاتيا پرەزيدەنتى زوران ميلانوۆيچ, نورۆەگيا كورولى V حارالد, دانيا پاتشايىمى II مارگرەتە, جاڭا زەلانديانىڭ گەنەرال-گۋبەرناتورى پەتسي رەددي, رەسەي ۇكىمەتىنىڭ توراعاسى ميحايل ميشۋستين, تۇركى تىلدەس مەملەكەتتەر ىنتىماقتاستىعى كەڭەسىنىڭ باس حاتشىسى باعداد امىرەەۆ, ەۋرازيالىق ەكونوميكالىق كوميسسيا العاسىنىڭ توراعاسى ميحايل مياسنيكوۆيچ, تمد اتقارۋشى حاتشىسى – اتقارۋ كوميتەتىنىڭ توراعاسى سەرگەي لەبەدەۆ, ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس, ناتو-نىڭ باس حاتشىسى يەنس ستولتەنبەرگ, تۇركسوي ۇيىمىنىڭ باس حاتشىسى دۇيسەن قاسەيىنوۆ, رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ ءتورايىمى ۆالەنتينا ماتۆيەنكو, ماسكەۋ جانە بۇكىل رەسەي پاتريارحى كيريلل, بۇۇ باس حاتشىسىنىڭ ورتالىق ازيا بويىنشا ارنايى وكىلى ناتاليا گەرمان, ەۋرازيالىق ەكونوميكالىق وداق سوتىنىڭ توراعاسى جولىمبەت بايىشەۆ, حورۆاتيانىڭ بۇرىنعى پرەزيدەنتى ستەپان مەسيچ جانە سينگاپۋردىڭ بۇرىنعى پرەمەر-مينيستر گو چوك تونگ جاڭا جىلمەن قۇتتىقتاپ, جەدەلحات جىبەردى.
بۇدان بولەك مەملەكەت باسشىسىنىڭ اتىنا ەۋرازيالىق دامۋ بانكى باسقارما توراعاسى نيكولاي پودگۋزوۆتان, اۆياتسيا جانە اۋە كەڭىستىگىن پايدالانۋ جونىندەگى مەملەكەتارالىق كەڭەس پرەزيدەنتى تاتيانا انودينادان, اقش, تۇركيا, چەحيا, حورۆاتيا, ەستونيا, رەسەي, يتاليا ەلدەرىنىڭ قازاقستانداعى ەلشىلەرىنەن, «لۋكويل» كومپانياسىنىڭ پرەزيدەنتى ۆاگيت الەكپەروۆتەن, ۆتب بانكىنىڭ پرەزيدەنتى–باسقارما توراعاسى اندرەي كوستيننەن, «گرۋپپا سافمار» اق ديرەكتورلار كەڭەسىنىڭ توراعاسى ميحايل گۋتسەريەۆتەن, رەسەي فەدەراتسياسى ورىنبور جانە پەنزا وبلىستارىنىڭ گۋبەرناتورلارى دەنيس پاسلەر مەن يۆان بەلوزەرتسەۆتان, بايقوڭىر قالاسى اكىمشىلىگىنىڭ باسشىسى كونستانتين بۋسىگيننەن, «روسسيا سەگودنيا» حاا باس ديرەكتورى دميتري كيسەليوۆتەن, رەسەي فەدەراتسياسى بىرلەسكەن يادرولىق زەرتتەۋلەر ينستيتۋتىنىڭ ديرەكتورى ۆيكتور ماتۆەەۆتەن قۇتتىقتاۋ جەدەلحاتتارى كەلىپ ءتۇستى.
