مونيتورينگتىك توپتار جۇرگىزەتىن تەكسەرۋ ءىس-شارالارىنىڭ ناتيجەسىندە بۇرىن مەكەمەدە بىرنەشە رەت جۇمىس كەستەسىن ساقتاماۋ جانە ادامداردىڭ جاپپاي جينالۋىنا جول بەرۋ سياقتى بۇزۋشىلىقتار انىقتالدى. مونيتورينگتىك توپ كەلگەن كەزدە «ارتيست» بارىندا 300-دەن 500-گە دەيىن ادام بولعان, بۇل ادامداردىڭ جاپپاي جۇقتىرۋىنا اكەلۋى مۇمكىن ەدى.
سوڭعى دەرەكتەر بويىنشا, الماتى قالاسىندا كوروناۆيرۋستىق ينفەكتسيامەن سىرقاتتانۋدىڭ 18 مىڭنان استام جاعدايى تىركەلگەن, ونىڭ ىشىندە 389-ى ولىممەن اياقتالعان.
بيىلعى 8 قازان مەن 28 جەلتوقسان ارالىعىندا زاڭدى جانە جەكە تۇلعالارعا جالپى سوماسى 79,2 ملن تەڭگەگە قر اقبتك-ءنىڭ 425-بابىنىڭ 1-بولىگى بويىنشا شەكتەۋ ءىس-شارالارىن ساقتاماعانى ءۇشىن 981 اكىمشىلىك قۇقىق بۇزۋشىلىق تۋرالى حاتتاما جاسالدى. 16 ماتەريال سوتقا بەرىلدى.
ەستەرىڭىزگە سالا كەتەيىك, 25 جەلتوقساننان 5 قاڭتارعا دەيىن كۇشەيتىلگەن شەكتەۋ شارالارى قولدانىلادى. وسى كەزەڭدە جاپپاي جۇقتىرۋعا ىقپال ەتەتىن ويىن-ساۋىق, سپورتتىق جانە باسقا دا ءىس-شارالاردى, سونىڭ ىشىندە جاڭا جىلدىق ەرتەڭگىلىكتەر مەن مەرەكەلىك كورپوراتيۆتەردى وتكىزۋگە رۇقسات ەتىلمەيدى.
الماتى اكىمدىگى قالا تۇرعىندارىن كوروناۆيرۋستىق ينفەكتسيا بويىنشا تۇراقتى جاعدايدى ساقتاۋ ماقساتىندا مەرەكە الدىنداعى جانە مەرەكە كۇندەرى سانيتارلىق-ەپيدەميالىق تالاپتاردى ساقتاۋعا شاقىرادى.
