بايقاۋ قورىتىندىسىندا «ۇزدىك قار ءمۇسىنى» اتالىمى بويىنشا جەرگىلىكتى «ۆوستوك» ساياباعى جەڭىمپاز اتاندى. ۇجىمنىڭ ۇيىمشىل قىزمەتكەرلەرى كەلە جاتقان جاڭا جىلدىڭ نىشانى – بۇقانىڭ ءمۇسىنىن قاردان سوققان بولاتىن.
«ۆوستوك» قالالىق ساياباعى ديرەكتورىنىڭ ورىنباسارى امانگەلدى توقىشەۆ ءمۇسىندى جاساۋعا ءبىر جارىم كۇندەي ۋاقىت كەتكەنىن ايتادى.
– ارينە, بۇل وڭاي بولعان جوق, دەگەنمەن ءبىز نامىستى قولدان بەرمەدىك. ۇجىم اتىنان تەمىرتاۋ قالاسىنىڭ تۇرعىندارىن جاڭا جىلمەن قۇتتىقتاعىم كەلەدى, – دەيدى ول.
«قوعامدىق كولىكتى بەزەندىرۋ» اتالىمى بويىنشا قالاداعى №5 اۆتوبۋستى بەزەندىرگەن «شاڭىراق» ەرىكتىلەر ورتالىعىنىڭ جاستارى توپ جاردى.
بۇل يگى ءىس-شارادان قالاداعى جەكە كاسىپكەرلەر دە شەت قالمادى. مىسالى, «شاعىن جانە ورتا بيزنەس نىساندارىن بەزەندىرۋ» اتالىمىندا KMK Trade company جشس كوزگە ءتۇستى.
بۇدان بولەك, Mittal سپورت كەشەنىنىڭ الاڭىندا «ارسەلورميتتال تەمىرتاۋ» اق-نىڭ دەمەۋشىلىگىمەن جاڭا جىلدىق قالاشىق پايدا بولىپ, ول جەرگە مۇز سلايدتارى, مۇز ايدىنى, شىرشا جانە كوپتەگەن جارىقديودتى ءمۇسىن ورناتىلدى.
ءۇش اتالىم بويىنشا وتكەن بايقاۋ جەڭىمپازدارىنىڭ ارقايسىسى 300 مىڭ تەڭگە اقشالاي سىيلىقتارمەن ماراپاتتالدى.
قاراعاندى وبلىسى,
تەمىرتاۋ قالاسى
