ونلاين رەجىمدە سىبايلاس جەمقورلىققا قارسى قىزمەتتىڭ وڭىرلىك دەپارتامەنتتەرى, مينيسترلىكتىڭ ۆەدومستۆولىق باعىنىستى ۇيىمدارى, اكىمدىكتەردىڭ ىشكى ساياسات, قوعامدىق دامۋ, جاستار جانە ءدىن ماسەلەلەرى جونىندەگى باسقارمالارى, سونداي-اق قازاقستان حالقى اسسامبلەياسىنىڭ فيليالدارى قاتىستى.
مينيستر ايدا بالاەۆا سىبايلاس جەمقورلىققا قارسى ستراتەگيا اياسىندا جۇزەگە اسىرىلىپ جاتقان شارالار ۆەدومستۆونىڭ كۇن تارتىبىندە باسىم ورىن الاتىنىن اتاپ ءوتتى. «مينيسترلىك ازاماتتىق قوعام ينستيتۋتتارىن سىبايلاس جەمقورلىقتىڭ الدىن الۋ تەتىكتەرىنە بىرىكتىرۋدىڭ ماڭىزدىلىعىن تولىق تۇسىنەدى. بۇل ولاردىڭ ناقتى تيىمدىلىگىن ارتتىرۋعا مۇمكىندىك بەرەدى», دەپ اتاپ ءوتتى
مينيستر.
اعىمداعى جىلى اقدم-دە كورسەتىلەتىن بىرقاتار مەملەكەتتىك قىزمەتتەر قاتارى اۆتوماتتاندىرىلعانى ايتىلدى. ال «قاعاز بالاماسىنان» تولىقتاي باس تارتىپ, تسيفرلى فورماتقا كوشۋ بويىنشا جۇمىس مينيسترلىكتىڭ بارلىق سالالارىندا الداعى جىلى بەلسەندى جالعاسادى.
«ادالدىق الاڭى» جوبالىق كەڭسەسىنىڭ قاتىسۋىمەن مينيسترلىك قىزمەتىندەگى سىبايلاس جەمقورلىق تاۋەكەلدەرىن انىقتاۋ جانە جويۋ بويىنشا تالدامالىق جۇمىس جەدەلدەتىلدى, كوممەرتسيالىق ەمەس ۇيىمدارعا گرانتتىق قارجىلاندىرۋ ۇردىستەرىن ترانسفورماتسيالاۋ جۇرگىزىلدى.
مينيسترلىكتىڭ ونلاين ء«بىلىم بازاسىن» قۇرۋداعى تاجىريبەسى قىزىعۋشىلىق تۋدىردى. وندا مەملەكەتتىك تاپسىرىس پەن گرانتتاردى قارجىلاندىرۋ شەڭبەرىندە ۇەۇ سوڭعى 4 جىل ىشىندە جاساعان ينتەللەكتۋالدى ونىمدەردى: عىلىمي زەرتتەۋلەردى, ادىستەمەلىك نۇسقاۋلىقتاردى, ەسەپتەرى اشىق قولجەتىمدىلىكتە ورنالاستىرىلعان.
مينيسترلىكتە مەملەكەتتىك ورگانداردىڭ اشىقتىق دارەجەسىن باعالاۋعا باعىتتالعان, اقپاراتقا قول جەتكىزۋ سالاسىنداعى زاڭنامانى جەتىلدىرۋ بويىنشا شارالار پىسىقتالۋدا. «قوعامدىق باقىلاۋ تۋرالى», «ونلاين-پەتيتسيالار تۋرالى» زاڭ جوبالارىنا جانە «قوعامدىق كەڭەستەر تۋرالى» زاڭعا ەنگىزىلەتىن جاڭالىقتاردى ازىرلەۋدە قوعامدىق ۇيىمدارمەن بىرلەسىپ اتقارعان جۇمىس ەرەكشە نازار اۋدارۋعا تۇرارلىق.
«مينيسترلىك پاراساتتىلىق يدەولوگياسىن ىلگەرىلەتۋدەگى نەگىزگى ارىپتەس بولۋعا ءتيىس. قوعامدىق كەڭەستەر قىزمەتى سالاسىنداعى وڭ زاڭنامالىق وزگەرىستەر, قوعامدىق باقىلاۋ جانە ونلاين-پەتيتسيالار جەلىسى بويىنشا نوۆەللالار – مەملەكەتتىك ورگاندار مەن كۆازيمەملەكەتتىك سەكتور قىزمەتىندە, دەمەك, سىبايلاس جەمقورلىقتىڭ الدىن الۋدا اشىقتىق پەن ايقىندىقتى ارتتىرۋدا سەرپىندى ءرول اتقاراتىنى ءسوزسىز», دەپ اتاپ ءوتتى سىبايلاس جەمقورلىققا قارسى قىزمەت باسشىسى اليك شپەكباەۆ.
سپيكەر سونداي-اق, اقپاراتتىق جانە ءتۇسىندىرۋ جۇمىستارىنىڭ وزەكتىلىگىن اتاپ ءوتىپ, ازاماتتىق قوعامنىڭ باستى رولىنە نازار اۋداردى. «جاستار فورۋمدار مەن فلەشموبتارعا قاتىسۋمەن شەكتەلمەۋى ءتيىس – ولاردى پارمەندى ءىس-شارالارعا تارتۋ قاجەت. وسىعان ۇقساس ەتنو-مادەني ورتالىقتار مەن ءداستۇرلى ءدىني بىرلەستىكتەردىڭ وكىلدەرى پاراساتتىلىق يدەولوگياسىن تاراتۋعا جانە دارىپتەۋگە ناقتى قاتىسۋى ءتيىس», دەدى.
شارا بارىسىندا قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا, «قازاقستانداعى پارلامەنتاريزمدى دامىتۋ قورى» قوعامدىق قورىنىڭ پرەزيدەنتى زاۋرەش باتتالوۆا, «قازاقستاننىڭ ەكولوگيالىق ۇيىمدارى قاۋىمداستىعى» زتب باسقارما توراعاسى ايگۇل سولوۆەۆا, «قوعامدىق باقىلاۋ» توبىنىڭ ۇيلەستىرۋشىسى سايدا تاۋكەلەۆا سىندى ازاماتتىق بەلسەندىلەر ءوز ويلارىمەن ءبولىستى.
اتاپ ايتقاندا, ايگۇل سولوۆەۆا: «مينيسترلىك باسقا مەملەكەتتىك ورگاندارعا ترانسپارەنتتىلىكتىڭ كورنەكى ۇلگىسىن كورسەتۋدە. وتكەن جىلى اقپارات جانە قوعامدىق دامۋ ءمينيسترىنىڭ قاتىسۋىمەن 40-تان استام ءتۇرلى ونلاين-الاڭ وتكىزدى, وندا كەز كەلگەن نيەت ءبىلدىرۋشى ءوز پىكىرىن ءبىلدىرىپ, سۇراق قويا الدى. بۇل ترەندتى بارلىق مەملەكەتتىك ورگاندار قولداۋى ءتيىس», دەدى.
شارا سوڭىندا مينيستر ا.بالاەۆا اگەنتتىكتىڭ ۇسىنىمدارى نەگىزىندە مينيسترلىك سىبايلاس جەمقورلىققا قارسى مادەنيەتتى جانە پاراساتتىلىق قاعيداتتارىن نىعايتۋ بويىنشا بىرلەسكەن جوبا ازىرلەيتىنىن جەتكىزدى.
