– وسىدان تۋرا ءبىر جىل بۇرىن قالا باسشىسى باقىتجان ساعىنتاەۆ ءاربىر اۋدانعا بارىپ حالىقپەن كەزدەسۋىندە «جاڭا الماتى» مەگاپوليسىن دامىتۋدىڭ كەشەندى جوسپارىن قابىلداۋعا باستاماشىلىق جاسادى. ونىڭ نەگىزگى باعىتى شەتكى اۋداندارعا جانە مەگاپوليسكە جاڭادان قوسىلعان ەلدى مەكەندەردى دامىتۋعا باعىتتالعان, – دەدى سانجار توعاي. – «شەتسىز قالا» قاعيداتىن ىسكە اسىرۋ ماقساتىندا وتكەن جىلى قالا اكىمى ءبىرىنشى كەزەكتەگى پروبلەمالىق ماسەلەلەردى شەشۋ جانە بۇرىنعى اۋىلدىق وكرۋگتەردىڭ بارلىق تۇرعىندارى ءۇشىن قولايلى جاعداي جاساۋ ماقساتىندا اۋدانىمىزدا اۋقىمدى جۇمىستى باستاۋدى تاپسىردى. ەڭ باستىسى ءبىزدىڭ 10 شاعىن اۋداندى سۋمەن جانە كارىز جەلىلەرىمەن قامتاماسىز ەتۋ بولىپ تابىلادى.
سونىمەن قاتار, جاڭا الەۋمەتتىك نىساندار سالۋ ماسەلەلەرىن شۇعىل تۇردە شەشۋ, مەملەكەتتىك باعدارلامالار اياسىندا تۇرعىن ۇيلەردىڭ قۇرىلىسىنىڭ كولەمىن ۇلعايتۋ تاپسىرىلدى. مۇنداي شارالار اۋدان ەكونوميكاسىنىڭ بارلىق سالالارىنا وڭ اسەرىن تيگىزدى.
تەك 2020 جىلى اۋداندى دامىتۋعا 70 ملردتەڭگەدەن استام قاراجات ءبولىندى, بۇل 2019 جىلمەن سالىستىرعاندا جەتى ەسەگە كوپ. بيىلعى جىلدىڭ 11 ايىندا نەگىزگى كاپيتالعا سالىنعان ينۆەستيتسيالار كولەمى 88 ملرد.تەڭگەنى قۇرادى, بۇل 2014 جىلمەن سالىستىرعاندا 12,5 ەسە كوپ. سالىق تۇسىمدەرى 130%-عا ءوسۋ قارقىنىمەن 13,2 ملرد.تەڭگەنى قۇرادى, بۇل 2014 جىلمەن سالىستىرعاندا 33 ەسە كوپ. ءوندىرىس كولەمى 5,3 ملرد.تگ. قۇرايدى.
«الماتى بيزنەس 2020-2025» باعدارلاماسى اياسىندا قالا اۋماعىندا العاش رەت توقتاپ تۇرعان كاسىپورىنداردى جانداندىرۋ ماقساتىندا ناۋرىزباي اۋدانىندا ونەركاسىپتىك پارك اشىلدى, جالپى اۋدانى 4 مىڭ ش.م. «Ala Estate» جشس وندىرىستىك ءۇي-جايلارى, وندا جيھاز, كەڭسە بۇيىمدارى, گالانتەرەيا وندىرەتىن 10 جاڭا ءوندىرىس اشىلدى.
«بجك-2025», «ەڭبەك» جانە «الماتى بيزنەس-2025» بيزنەستى قولداۋ جونىندەگى مەملەكەتتىك باعدارلامالار شەڭبەرىندە 3,5 ملرد تەڭگەدەن استام سوماعا 18 جوبا قولداۋ الدى, بۇل شارالار اينالىم قاراجاتىن تولىقتىرۋعا مۇمكىندىك بەرىپ, جاڭا كاسىپكەرلىك نىسانداردىڭ اشىلۋىنا, سونداي-اق ەكونوميكالىق اينالىمعا 30 گەكتاردان استام بوس جەر ۋچاسكەلەرىن تارتۋعا ىقپال ەتتى.
مىسالى, شۇعىلا ش.ا. 15,5 گا جەر ۋچاسكەسىندە كوپقاباتتى تۇرعىن ءۇي قۇرىلىسىنىڭ جوباسى ازىرلەنۋدە. قارعالى شاعىن اۋدانىندا 3,5 گا جەر تەلىمىندە جەكە مەنشىك مەكتەپتىڭ قۇرىلىسى باستالدى. بۇدان باسقا اقجار شاعىن اۋدانىندا توقىما فابريكاسىنىڭ قۇرىلىسى اياقتالۋدا.
سۋمەن قامتۋ سالاسىندا 8 جوبانى ىسكە اسىرۋ باستالدى, بۇل تاۋجولى, جايلاۋ, قارعالى, قۇرامىس, اقجار, شۇعىلا, تاستىبۇلاق شاعىن اۋداندارىنداعى 121,5 شاقىرىم سۋ قۇبىرى, 85 شاقىرىم كارىز جانە قارعالى وزەنىندەگى سۋ سۇزگىلەۋ ستانتسياسىنىڭ قۇرىلىستارى.
اۋداندا ۇيلەردىڭ 98% -ى گازبەن قامتىلعان.حالىقتىڭ وسال توبىنداعى 46 وتباسى 2020 جىلى تەگىن ورتالىقتاندىرىلعان گاز جۇيەسىنە قوسىلدى.
اۋدان قۇرىلعان ساتتەن باستاپ 234 كوشەدە 168 شاقىرىم جولعا اسفالت ءتوسەلدى, بۇل جالپى كولەمنىڭ 86%-ىن قۇراپ وتىر. بارلىعى 348 كوشە نەمەسە 289 شاقىرىم بار.
2020 جىلى 35 كوشەدە جولدارعا ورتاشا جوندەۋ جۇرىگىزىلدى. بايزاق باتىر كوشەسىنە كۇردەلى جوندەۋ جۇمىستارى اياقتالدى. سونىمەن قاتار, اباي داڭعىلىن ۇزارتۋ, جەر ساتىپ الۋ جۇمىستارى جالعاسۋدا, بارلىعى 147 ۋچاسكە, سونداي-اق قوناەۆ كوشەسىن كەڭەيتۋ (38 جەر ۋچاسكەسى) جۇمىستارى جالعاسۋدا.
نۇرلى كوشەسىن رايىمبەك داڭعىلىنا دەيىن ۇزارتۋ جۇمىستارى اياقتالۋدا, تولە بي كوشەسىن قالا شەكاراسىنا دەيىن ۇزارتۋ بويىنشا جوبا ازىرلەندى. سونداي-اق, اعىمداعى جىلى 2 كوپىر وتكەلى (ارمان, تاجيەۆ ب/س) جوندەلدى.
2020 جىلى «بيۋدجەتكە قاتىسۋ» باعدارلاماسى اياسىندا 119 ملن تەڭگە سوماسىنا 7 جوبا ىسكە اسىرىلدى. ولاردىڭ اراسىندا ءتورت Work out الاڭى, ەكى بالالار الاڭى, ەكى باسكەتبول الاڭى, ءبىر سكەيت الاڭى, بەس «Togyzkumalak Smart Nation» ۇلتتىق ۇستەل ويىنى بار.
الماتى
