پوليتسيانىڭ حابارلاۋىنشا, سارىاعاش اۋداندىق پوليتسيا بولىمىنە بەلگىسىز ازامات حابارلاسىپ جەرگىلىكتى تۇرعىننىڭ ەسىرتكى ساتۋمەن اينالىسقانى تۋرالى حابارلاعان.
«حابارلامانى العان پوليتسەيلەر بىردەن اتالعان جايتتى تەكسەرۋگە كىرىستى. كۇدىكتىنى قىلمىس ۇستىندە ۇستاۋ ءۇشىن قاجەتتى شارالاردىڭ بارلىعىن اتقارادى. وسىلايشا ىسكە اسىرىلعان جۇمىستاردىڭ ناتيجەسىندە جەرگىلىكتى تۇرعىن كەلەسى ادامعا ەسىرتكىگە ۇقساس زاتتى ساتىپ تۇرعان جەرىنەن ۇستالادى», دەلىنگەن اقپاراتتا.
اتالعان جايتقا سايكەس قر قك-ءنىڭ 297-بابى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا تەرگەۋ امالدارى جۇرگىزىلدى.
ءتيىستى ساراپتامالار تاعايىندالىپ, تاركىلەنگەن زاتتىڭ 3,82 گرامم گاشيش ەكەندىگى انىقتالدى. وسىدان سوڭ ۇستالعان ازامات قاماۋعا الىنىپ, تەرگەۋشىلەرمەن تەرگەۋ ىستەرى جۇرگىزىلدى.
ساراپتامالار تاعايىندايدى. كۇدىكتى كىناسىن مويىندادى.
«كۇدىكتى ءوز ارام ويىن ىسكە اسىرۋ ءۇشىن پوليەتيلەن پاكەتكە گاشيش ەسىرتكى زاتىنىڭ 3,82 گرامىن سالىپ, 2000 تەڭگەگە ساتقان. ول بۇرىن سوتتى بولماعان جەرگىلىكتى تۇرعىن بولىپ شىقتى», دەپ حابارلادى پوليتسيا.
كۇدىكتى بەس جىلعا سوتتالدى.
