2020 جىلى الماتى يندۋستريالىق ايماعىندا جالپى سوماسى 28,8 ملرد. تەڭگەگە, 442 جۇمىس ورنىن قۇرۋمەن 3 جوبا ىسكە قوسىلدى:
بۇلار – «دورحان-الماتى» جشس مەتالل وڭدەۋ جانە جىلجىمالى قورشاۋ كونسترۋكتسيالارىن, اۆتوماتتى قاقپالارى مەن رولستاۆتارىن ءوندىرۋ زاۋىتى, جوبالىق قۋاتى جىلىنا 12 125 بىرلىك بۇيىم, 42 جۇمىس ورنىن قۇرۋمەن, قۇنى 417 ملن.تەڭگە.
ەكىنشى – قۇنى 28 ملرد.تەڭگە, جىلىنا 45 مىڭ دانا اۆتوكولىك شىعاراتىن جوبالىق قۋاتىمەن جانە 350 جۇمىس ورنىن اشاتىن «Hyundai Trans Kazakhstan» جشس اۆتوكولىك قۇرالدارىن شىعاراتىن زاۋىتى.
ءۇشىنشى – قۇنى 443,4 ملن.تەڭگە, جوبالىق قۋاتى جىلىنا 29 ملرد. مەديتسينالىق بۇيىمدى قۇرايتىن, 50 جۇمىس ورنى بار, ءبىر رەت قولدانىلاتىن مەديتسينالىق ماقساتتاعى بۇيىمداردى شىعاراتىن "المەرەك" جشس زاۋىتى.
جاقىن ارادا جالپى سوماسى 16,8 ملن. تەڭگەگە تاعى 5 جوبانى ("راحات سك" جشس اۆتوكلاۆتى قاتىرۋ جىلۋ-گاز بلوگىن ءوندىرۋ زاۋىتى, "تەحنوكونت" جشس ورتاشا ءۆولتتى جيىنتىقتى تاراتۋ قۇرىلعىلارىن ءوندىرۋ زاۋىتى, "Valtherm" جشس اليۋميني جانە بيمەتالدى جىلىتۋ رادياتورلارىن ءوندىرۋ زاۋىتى, "كمك Investment" جشس كابەل-وتكىزگىش ونىمدەرىن ءوندىرۋ زاۋىتىنىڭ ەكىنشى كەزەڭى, "گ.س.گ. ۆىسوتنيك" جشس اۆتوكلاۆتى ۇياشىقتى گازوبەتون ءوندىرۋ زاۋىتى) ىسكە قوسۋ جوسپارلانۋدا. وسى جوبالاردىڭ ارقاسىندا 388 جاڭا جۇمىس ورنى اشىلادى.
2021 جىلى جانە ودان كەيىنگى جىلدارى الماتىنىڭ يندۋستريالىق ايماعىندا 5 مىڭنان استام جۇمىس ورنىن, ونىڭ ىشىندە ەكسپورتقا باعدارلانعان 15 كاسىپورىندى قۇرا وتىرىپ, سوماسى 119,7 ملرد.تەڭگەگە 35 جوبانى ىسكە قوسۋ جوسپارلانۋدا. قازىرگى ۋاقىتتا اتالعان رەزيدەنتتەر بولىنگەن ۋچاسكەلەردە جوبالاۋ, قۇرىلىس, ىزدەستىرۋ جۇمىستارىن جۇرگىزۋدە.
سونداي-اق, 2021 جىلى يندۋستريالىق ايماق اۋماعىندا كەلەسى قۇرىلىس سالۋشىلار 5 ونەركاسىپتىك پاركتى سالۋ جانە رەكونسترۋكتسيالاۋ جوسپارلانۋدا: "KazStroyTrade" جشس, "D&J "Investments & Logistic" جشس, "ADS Industries" جشس, "Ala Estate" جشس جانە "ازيا پروم تەكستيل"جشس. وندىرىستىك ۇيمەرەك جالپى اۋدانى شامامەن 35 مىڭ م2 قۇرايدى.
"KazStroyTrade" جشس جانە "ADS Industries" جشس كومپانيالارى عيماراتتاردىڭ مەتالل قۇرىلىمدارىن تۇرعىزۋ جانە سەندۆيچ-پانەلدەردى ورناتۋ بويىنشا قۇرىلىس-مونتاجداۋ جۇمىستارىن جۇرگىزۋدە. "D&J "Investments & Logistic" جشس كومپانياسى ىرگەتاس ورناتۋ بويىنشا جەر جۇمىستارىن جۇرگىزۋدە. "Ala Estate" جشس كومپانياسى عيماراتتاردىڭ ىرگەتاسىن قالاۋدى جۇرگىزۋدە. اتالعان ونەركاسىپتىك پاركتەردىڭ قاتىسۋشىلارى 700-دەن استام جۇمىس ورنىن قۇرۋدى جوسپارلاپ وتىر. ءوندىرىس قۇرىلىس, جيھاز, جەڭىل جانە تاماق ونەركاسىبى تۇرىندە ۇسىنىلاتىن بولادى.
الماتى يندۋستريالىق ايماعىنىڭ رەزيدەنت كومپانيالارى الماتى قالاسى ەكونوميكاسىنىڭ دامۋىنا ەلەۋلى ۇلەس قوسۋدا: رەسپۋبليكانىڭ جەدەل ەكونوميكالىق وسۋىنە, ارتاراپتاندىرۋعا, يمپورتتى الماستىرۋعا, ىشكى نارىقتى مولىقتىرۋعا, حالىقتىڭ جۇمىسپەن قامتىلۋىن ارتتىرۋعا جانە الەۋمەتتىك جاعدايدى جاقسارتۋعا ىقپال ەتەدى.
الماتى
