قاۋلىعا سايكەس, وڭىردە مىناداي تىيىمدار مەن شەكتەۋلەر ەنگىزىلەدى:
- اشىق جانە جابىق عيماراتتاردا ويىن-ساۋىق, سپورتتىق ءىس-شارالاردى, وتباسىلىق, ۇجىمدىق, كورپوراتيۆتىك, سالتاناتتى (بانكەتتەر, ۇيلەنۋ تويلارى, مەرەيتويلار, اس بەرۋ) ءىس-شارالارىن جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالۋ;
- جەكە ءۇي-جايلار مەن قۇرىلىمداردى بۇقارالىق كورپوراتيۆتىك جانە باسقا شارالاردى وتكىزۋ ءۇشىن جالعا الۋعا تىيىم سالۋ;
- ويىن-ساۋىق مەكەمەلەرىنىڭ (كاراوكە, بيليارد, قورقور بولمەلەرى, كومپيۋتەر كلۋبتارى, ويىن كلۋبتارى, بۋكمەكەر كەڭسەلەر, لوتو تەرمينالدارى بار وبەكتىلەر, تۇنگى كلۋبتار, بوۋلينگ ورتالىقتارى, كينو-تەاترلار, باتۋتتار مەن بالالار جانە ەرەسەكتەرگە ارنالعان وزگە دە ويىن-ساۋىق ورىندارىقىزمەتىنە تىيىم سالۋ;
- كەزەكشى توپتاردى قوسپاعاندا, مەكتەپكە دەيىنگى بالالار مەكەمەلەرىنىڭ قىزمەتىنە تىيىم سالۋ (كەزەكشى توپتارعا 15 ادامنان اسپايتىن بالانى جيناپ جۇمىس ىستەۋگە رۇقسات ەتىلەدى);
- 30-دان اسپايتىن ادامنىڭ قاتىسۋىمەن وتەتىن جەكە, توپتىق دايىندىقتى قوسپاعاندا, تەاترلاردىڭ قىزمەتىنە تىيىم سالۋ;
- 2020 جىلعى 31 جەلتوقساننان باستاپ 2021 جىلعى 5 قاڭتارعا دەيىن جاڭا جىلدىق ەرتەڭگىلىكتەر, مەرەكەلىك كورپوراتيۆتىك شارالار ۇيىمداستىرۋعا جانە وتكىزۋگە تىيىم سالۋ;
- فۋدكورتتاردىڭ, بانكەت زالدارىنىڭ قىزمەتىنە تىيىم سالۋ;
- سپورتشىلاردىڭ قازاقستان رەسپۋبليكاسىنان تىس جەرلەردە وقۋ-جاتتىعۋ جيىندارى مەن جارىستارعا قاتىسۋى ءۇشىن شىعۋىنا تىيىم سالۋ;
- كەڭەستەردى (وتىرىستاردى) كوزبە-كوز رەجيمىندە وتكىزۋگە تىيىم سالۋ.
قاۋلىنىڭ تولىق ءماتىنىن مىنا جەردەن وقۋعا بولادى.
