ماشينالاردا بارلىق قاجەتتى جابدىقتار بار, بۇل شاقىرىلعان جەردە دە, ناۋقاستى اۋرۋحاناعا جەتكىزگەندە دە قارقىندى تەراپيا جۇرگىزۋگە مۇمكىندىك بەرەدى. ەلوردا اكىمىنىڭ ورىنباسارى باقتيار ماكەن قجمجس قىزمەتكەرلەرىن كەلە جاتقان جاڭا جىلمەن قۇتتىقتاپ, جۇمىستارىنا العىس ايتتى.
«مەملەكەت باسشىسىنىڭ تاپسىرماسى بويىنشا حالىققا ساپالى جانە ءتيىمدى قىزمەت كورسەتۋ ءۇشىن جەدەل جاردەم كولىكتەرىن جاڭارتۋ جۇمىستارى جۇرگىزىلدى. ءبىز بۇل مىندەتتى ورىندادىق. وتكەن جىلى جەرگىلىكتى بيۋدجەتتەن قارجىلاندىرۋ ەسەبىنەن 52 اۆتوكولىك, بيىل تاعى 35 تەحنيكا ساتىپ الىندى. «103» اۆتوپاركى 100% جاڭارتىلدى دەپ ايتا الامىز. بارشاڭىزدى جاڭا جىلمەن قۇتتىقتايمىن! مىقتى دەنساۋلىق تىلەيمىن, ويتكەنى بيىل ءبىز دەنساۋلىق ادامنىڭ باستى بايلىعى ەكەنىن سەزىندىك. سىزدەردىڭ كۇش-جىگەرلەرىڭىز, تاۋلىك بويعى جۇمىستارىڭىزدىڭ ارقاسىندا كوپتەگەن قازاقستاندىقتار مەرەكەنى وتباسىلارىمەن اتاپ وتەدى», - دەدى باقتيار ماكەن.
ايتا كەتەيىك, ءبىر جىلدان از ۋاقىت ىشىندە جەدەل جاردەم ستانتسياسىنىڭ پاركى 2,5 ەسە ارتتى. كۇزدە جاڭا مامانداندىرىلعان كولىكتەردىڭ كىلتتەرىن قالا اكىمى التاي كولگىنوۆ تاپسىردى. وسىلايشا, قازىر نۇر-سۇلتان جەدەل جاردەم قىزمەتىنىڭ بالانسىندا 100-دەن استام كولىك بار. قجمجس جىلىنا 600 مىڭنان استام قوڭىراۋعا قىزمەت كورسەتەدى.
