«كارانتينگە جاعدايىندا ەنگىزىلگەن شەكتەۋ شارالارىنا بايلانىستى بيىل جوبانى «Atameken Academy» پورتالى ارقىلى ونلاين رەجىمدە جۇزەگە اسىردىق. «باستاۋ» بويىنشا ءبىلىم العانداردىڭ 637-ءسى ەر ادامدار, 763-ءى ايەلدەر. 737 تۇلەك الەۋمەتتىك جاعىنان از قامتىلعان تۇرعىندار قاتارىنا جاتادى, ونىڭ ىشىندە NEET ساناتىنداعى 437 جاس بار. سونداي-اق, بيىل «باستاۋدان» تۇرمىسى تومەن وتباسى مۇشەلەرى بولىپ سانالاتىن 30, كوپ بالالى وتباسىلاردان شىققان 166 ادام جانە ەڭبەككە قابىلەتتى مۇمكىندىگى شەكتەۋلىلەر ساناتىنا جاتاتىن 52 ادام ءبىلىم الدى», دەيدى وبلىستىق كاسىپكەرلەر پالاتاسىنىڭ ديرەكتورى مۇرات ابەنوۆ.
كارانينگە قاراماستان كاسىپ اشۋعا نيەتتەنگەن 773 ادامعا مەملەكەت قولداۋ كورسەتتى. 224 تۇرعىن جالپى كولەمى 798 ملن تەڭگە جەڭىلدەتىلگەن نەسيە السا, 556 ادام «ەڭبەك» مەملەكەتتىك باعدارلاماسى اياسىندا 200 اەك مولشەرىندەگى گرانت يەلەندى. سونىمەن قاتار, 5 ادام «بيزنەستىڭ جول كارتاسى-2025» باعدارلاماسى بويىنشا جالپى كولەمى 21,6 ملن تەڭگەنىڭ گرانتىن الدى.
جالپى, قوستاناي وبلىسىندا سوڭعى 4 جىل ىشىندە «باستاۋدان» ءبىلىم العان 8 876 ادامنىڭ 2923-ءى جەكە كاسىپ اشقان. ولاردىڭ ىشىندە كاسىبىن كەڭەيتكەندەر دە بار.
قوستاناي وبلىسى
