پارتيانىڭ سايلاۋالدى باعدارلاماسىندا اۋىلدى كەشەندى دامىتۋ, جاستاردى قولداۋ جان-جاقتى قامتىلعان. ماسەلەن, پارتيا باعدارلاماسىندا جاس وتباسىلارعا تۇرعىن ءۇي الۋعا جانە تۇرعىن ءۇي جاعدايىن جاقسارتۋعا, ال اۋىلعا كوشىپ بارعاندارعا ءۇي الۋعا جانە ءۇي شارۋاشىلىعىن قالىپتاستىرۋعا, اۋىلدا بيزنەس اشۋعا پايىزسىز نەسيە بەرۋ باعدارلاماسىن ەنگىزۋ كوزدەلگەن.
كەزدەسۋدە ءسوز سويلەگەن قانات تاسىبەكوۆ بۇل باستاما جۇزەگە اساتىن بولسا ەل تىرەگى اۋىل جاستارىنىڭ الەۋمەتتىك ماسەلەلەرىنىڭ شەشىلۋىنە تىكەلەي جول اشىلادى دەپ ەسەپتەيتىنىن جەتكىزدى. «ەلىمىزدىڭ جاستارى مەملەكەتتىڭ بولاشاعى دەپ ايتىپ ءجۇرمىز. بۇل تەك قالا جاستارىنا قاتىستى ەمەس ەكەنى تۇسىنىكتى. دەمەك, اۋىلدى جەرلەردەگى جاستارعا دا لايىقتى قولداۋ بولۋى ءتيىس. ول ءۇشىن پارتيا اۋىل جاستارىنىڭ ءبىلىم گرانتىن الۋىنا جانە جۇمىسقا ورنالاسۋىنا كەپىلدىك بەرەتىن «اۋىلدان – ديپلوم الۋ ءۇشىن» باعدارلاماسىن ازىرلەۋدى ۇسىنىپ وتىر. سونىمەن قاتار, جوعارى جانە ورتا ارناۋلى اگرارلىق وقۋ ورىندارىنىڭ تۇلەكتەرى ءۇشىن العاشقى جۇمىس ورنىن مىندەتتى كۆوتالاۋ تاجىريبەسىن ەنگىزۋ قاجەتى دەدى قانات تاسىبەكوۆ.
ال كانديدات داۋرەن قۋات «اۋىل» پارتياسىنىڭ سايلاۋالدى باعدارلاماسىندا بالالى وتباسىلارعا ارنالعان ءتيىمسىز, قىسقا مەرزىمدى تولەمدەردىڭ ورنىنا كەپىلدەندىرىلگەن «بالا ءناسىبى» جاردەماقىسىن ەنگىزىپ, ونى 18 جاسقا تولعانشا تولەۋ ۇسىنىلىپ وتىرعانىن ايتتى. «مۇندايعا مەملەكەتىمىزدىڭ تولىق مۇمكىندىگى بار دەپ ەسەپتەيمىن. بۇل ىسكە اساتىن بولسا اۋىل تۇرعىندارىنىڭ الەۋمەتتىك الەۋەتى جاقسارىپ, ءومىر ساپاسىن جاقسارتۋعا بولادى», دەدى د.قۋات.
سونىمەن قاتار كەزدەسۋ بارىسىندا اۋىل شارۋاشىلىعى ونىمدەرىن ءوندىرۋ ىسىمەن اينالىسىپ جاتقان كاسىپورىندار مەن فەرمەرلەردى قولداۋ ماقساتىندا ولاردى قوسىمشا قۇن سالىعىنان بوساتىپ, نەسيەلەردى ارزانداتۋدى كوزدەيتىن سۋبسيديا تۇرلەرىن بەسەۋگە دەيىن قىسقارتۋ باستاماسى پارتيانىڭ باعدارلاماسىنا ەنىپ وتىرعانى ايتىلدى. كەزدەسۋ بارىسىندا زيالى قاۋىم وكىلدەرى پارتيانىڭ باستامالارى اۋىل تۇرعىندارىنىڭ عانا ەمەس, جالپى جۇرتشىلىقتىڭ كوڭىلىنەن شىعادى دەپ ەسەپتەيتىندەرىن ايتتى. پارتياعا الداعى سايلاۋدا ساتتىلىك تىلەدى.
سونىمەن قاتار نۇر-سۇلتان قالاسى بويىنشا «اۋىل» حدپ وڭىرلىك قوعامدىق شتابىنىڭ باسشىسى ومىربەك جۇماعۇلوۆ, اۋداندىق شتاب باسشىلارى – سەرىك وسپان, الپىسباي جۇماەۆ, نۇر-سۇلتان قالاسى ءماسليحاتىنىڭ دەپۋتاتتىعىنا كانديداتتار – عابيت بايحانوۆ, فارحات ەنگيشەۆ «سايانۇر» بازارىندا بولىپ, جاڭا جىل قارساڭىندا ازىق-ت ۇلىك تاۋارلارىنىڭ باعاسىنا مونيتورينگ جاساپ, «اۋىل» پارتياسىنىڭ سايلاۋالدى باعدارلاماسى بويىنشا ءتۇسىندىرۋ جۇمىستارىن جۇرگىزدى.
شىعىس قازاقستان وبلىسى گلۋبوكوە اۋدانىنىڭ سولنەچنوە اۋىلىندا اۋداندىق ءماسليحات دەپۋتاتتىعىنا ۇمىتكەر ا.شوراەۆ باستاعان «اۋىل» پارتياسىنىڭ ۇگىت توبى «جامبۋسينوۆ» جك ۇجىمىمەن كەزدەستى.
قوستانايدا ونلاين فورماتتا «اۋىل» پارتياسىنان ءماجىلىس دەپۋتاتتىعىنا كانديدات ۆ.ءحادانوۆيچتىڭ قوستاناي وبلىسى اۋىلدارىنىڭ تۇرعىندارىنا پارتيانىڭ سايلاۋالدى باعدارلاماسىن ءتۇسىندىرۋ باعىتىندا كەزدەسۋى ءوتتى. كەزدەسۋ بارىسىندا قاتىسۋشىلار اۋىلدىق اۋماقتاردىڭ ينفراقۇرىلىمىن جاڭعىرتۋ ماسەلەلەرىن تالقىلادى.
