اۋداندىق ءماسليحات دەپۋتاتتىعىنا كانديدات مەڭدىباي قوپاباەۆ اقمولا وبلىسى بالكاشينو اۋىلىنىڭ تۇرعىندارىمەن كەزدەسىپ, پارتيا باعدارلاماسىن تانىستىرىپ, اۋداننىڭ ماسەلەلەرىن شەشۋ بويىنشا ءوز ۇسىنىستارىن جەتكىزدى.
ەسىل قالالىق ەلەكتوراتىمەن ەسىل اۋداندىق ءماسليحاتىنا كانديداتتار ءسانيا يسمايلوۆا مەن سامات جورتىمباەۆ كەزدەستى. ولار پارتيانىڭ الەۋمەتتىك مەملەكەت قۇرۋ جونىندەگى ون باستاماسىنا جانە بىرقاتار وزگەرىستەرگە توقتالدى. قحپ ماقساتتارى مەن مىندەتتەرىن ءتۇسىندىرىپ, كانديداتتار ەلەكتوراتتىڭ تىلەكتەرىن تىڭداپ, قويىلعان سۇراقتارعا جاۋاپ بەردى. ەرەيمەنتاۋ قالاسىندا «بولاشاق ستروي پليۋس» ەڭبەك ۇجىمىمەن كەزدەسۋ ءوتتى. ەرەيمەنتاۋ ءماسليحاتىنىڭ دەپۋتاتتىعىنا كانديدات يۋليا كاركاۆينا قحپ تۇعىرناماسىمەن تانىستىرىپ, ۇگىت ماتەريالدارىن تاراتتى. پارتيانىڭ 20 سوتىق جەر بەرۋ جانە تۇرعىن ءۇي ماسەلەسىن شەشۋ تۋرالى ۇسىنىسى كوپشىلىكتىڭ ۇلكەن قىزىعۋشىلىعىن تۋدىردى. ء«بىز حالىق پارتياسىمىز جانە قاراپايىم جۇمىس ادامدارىنا جاقىن بولۋىمىز كەرەك. ولاردىڭ مۇددەلەرىن قورعاۋىمىز قاجەت», دەدى ول.
قحپ-نىڭ شىمكەنت قالالىق سايلاۋالدى شتابى پارلامەنت ءماجىلىسى مەن ءماسليحاتتار دەپۋتاتتىعىنا كانديداتتاردىڭ قاتىسۋىمەن «حالىق پارتياسى – حالىقپەن بىرگە!» اكتسياسىن وتكىزدى. پارتيا جاستار قاناتىنىڭ وكىلدەرى, شتاب بەلسەندىلەرى, سەنىمدى وكىلدەر مەن پارتيا كانديداتتارى ۇگىت-ناسيحات شاراسىنا قاتىستى. ونىڭ ماقساتى – سايلاۋشىلاردىڭ نازارىن الەۋمەتتىك مەملەكەت قۇرۋ جونىندەگى پارتيا باستامالارىنا اۋدارۋ. اكتسيا قازاقستانداعى ەڭ بيىك ەسكەرتكىشتەردىڭ ءبىرى بايدىبەك بي ەسكەرتكىشىنىڭ جانىندا ءوتتى. جينالعاندار «حالىق, جەر, ادىلدىك!», «حالىق پارتياسى – حالىقپەن بىرگە!» دەپ ۇراندادى. «ەلىمىزگە وزگەرىستەر كەرەك. قازاقستاندىقتار جاقسى ءومىر سۇرۋگە لايىق. قازاقستان حالىق پارتياسى قاراپايىم ادامنىڭ مۇددەسى قورعالاتىن مەملەكەت قۇرۋدى قولدايدى», دەپ اكتسيانى قورىتىندىلادى ءماجىلىس دەپۋتاتتىعىنا كانديدات نۇرلان قادىرقۇلوۆ.
قازاقستان حالىق پارتياسىنان پارلامەنت ءماجىلىسىنىڭ دەپۋتاتتىعىنا كانديداتتار كوكشەتاۋداعى «نوۆوپەك» جشس كاسىپورنىندا بولدى. مۇندا پوليپروپيلەن قاپتارى, بيگ-بەگتەر (جۇمساق كونتەينەرلەر) شىعارىلادى. پارتيا مۇشەلەرىنە وندىرىستىك پروتسەسس كورسەتىلدى. ولار قىزمەتكەرلەردە قانداي پروبلەمالار مەن قيىندىقتار بارىن سۇرادى. سونداي-اق «جالاقى ۋاقىتىندا تولەنە مە؟», «زەينەتاقى قورىنا اۋدارىمدار جاسالا ما؟» دەگەن سۇراقتارعا جاۋاپ الدى. اتالعان ءوندىرىستىڭ ءونىم ساپاسىن جاقسارتۋ, ءونىم سۇرانىسىن ارتتىرۋ ماسەلەلەرى دە تالقىلاندى. ء«بىز كەز كەلگەن كاسىپورىننىڭ نەگىزگى مىندەتى ءوندىرىستىڭ تولىق تسيكلىنا جانە ەكونوميكالىق تاۋەلسىزدىككە قول جەتكىزۋ دەپ سانايمىز. وتاندىق كومپانيالاردى قولداۋ ماقساتىندا قازاقستان حالىق پارتياسى بىرقاتار ءپرينتسيپتى ماسەلەلەردى كوتەرەدى. بيزنەستىڭ جاڭا قاتىسۋشىلارى ءۇشىن رۇقسات بەرۋ قۇجاتتارىن, دسۇ جانە ەاەو نورمالارىن ساقتاي وتىرىپ, سالىق جانە كەدەن باجدارىن تولەۋدى ەكى جىلعا الىپ تاستاۋ قاجەت. قوسىلعان قۇنى جوعارى جانە 90 پايىزدان استام وقشاۋلاندىرىلعان تاۋار شىعاراتىن وندىرۋشىلەر ءۇشىن سالىقتىق جانە كەدەندىك پايىزدىق مولشەرلەمەلەردى تومەندەتۋ كەرەك», دەدى قازاقستان حالىق پارتياسى اتىنان دەپۋتاتتىققا كانديدات و.سىزدىقوۆ.
قحپ وتاندىق كاسىپورىندار ءونىم ساپاسىن جاقسارتۋ ءۇشىن ۇنەمى جۇمىس ىستەۋى كەرەك, جارنامالىق ناۋقان مەن ءونىمدى جىلجىتۋعا باسا نازار اۋدارۋى قاجەت دەپ سانايدى. «رەفورمالاردى ءتيىمدى ىسكە اسىرۋ جانە ەكونوميكانىڭ ناقتى سەكتورىن رەتتەۋ ءۇشىن مەملەكەتتىك جانە كۆازيمەملەكەتتىك شىعىستاردى وڭتايلاندىرۋ قاجەت», دەدى ءماجىلىس دەپۋتاتتىعىنا كانديدات ج.احمەتبەكوۆ.
