ماسەلەسى باستان اساتىن بۇيىعى اۋىلدىڭ تۇرعىندارى تاياۋدا قۋانىشتى وقيعانىڭ كۋاسى بولدى. جەرگىلىكتى كاسىپكەر بەكزات سليامبەك كەنتتەگى العاشقى الەۋمەتتىك دۇكەندى اشىپ, جەرلەستەرىنىڭ العىسىنا بولەندى.
اتالعان ساۋدا نۇكتەسىندە تاۋاردىڭ 19-عا جۋىق ءتۇرى ساتىلادى. مۇنداعى ماكارون, پياز, ۇن, جۇمىرتقا, كۇنباعىس مايى سياقتى ازىق-ت ۇلىك تۇرلەرى ۇلكەن سۇرانىسقا يە. بۇلاردىڭ باعاسى دا قولجەتىمدى: باسقا دۇكەندەرگە قاراعاندا 15-20%-عا ارزان. مىسالى, مۇندا كارتوپتىڭ كيلوسى 150 تەڭگەدەن ساتىلادى. بۇل دەگەنىڭىز, اۋىلداعى ەڭ تومەن باعا. ساتۋشىلاردىڭ ايتۋىنشا, ەكى كۇننىڭ ىشىندە الەۋمەتتىك دۇكەندەگى تاۋارلاردىڭ 80%-ى ءوتىپ كەتكەن.
ساياق كەنتىنىڭ اكىمى اسقار بوتاحانوۆ الەۋمەتتىك دۇكەن اشقان سليامبەكوۆتەر وتباسىنىڭ كەنتتە بەلسەندى قىزمەت اتقاراتىنىن ايتادى.
– كاسىپكەر وتباسىنىڭ يەلىگىندە شاعىن جيھاز سالونى, تۇرمىستىق تەحنيكانى ساتۋ ءبولىمى جانە توڭازىتقىش, تەلەديدار جانە تەلەفون جوندەيتىن شەبەرحانا بار. ولاردىڭ دۇكەنى جەرگىلىكتى ساۋدا ورىندارى اراسىندا مىقتى باسەكەلەستىك تۋدىردى, – دەيدى ول.
كاسىپكەر بەكزات سليامبەك الداعى ۋاقىتتا تاۋاردى قاراعاندىداعى كوتەرمە ساۋدا نۇكتەلەرىنەن ساتىپ الىپ, ونى اۋىلعا جۇك كولىگىمەن جەتكىزىپ الۋدى جوسپارلاپ وتىر.
قاراعاندى وبلىسى,
ساياق كەنتى
