وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ وڭىردەگى مەملەكەتتىك پتر زەرتحانالارىنىڭ سانى 3 بىرلىكتەن 10 بىرلىككە دەيىن وسكەنءىن اتاپ ءوتتى. زەرتحانالاردا جالپى 369 155 ادام تەكسەرۋدەن وتكىزىلگەن. «مەديتسينالىق ۇيىمداردى دارىلىك زاتتار جانە ارنايى قورعانىش قۇرالدارىمەن قامتاماسىز ەتۋ ماقساتىندا 3,1 ملرد تەڭگە ءبولىندى. بۇل قارجىلارعا 361,8 ملن تەڭگەگە دارىلىك زاتتار, 1,6 ملرد تەڭگەگە مەديتسينالىق بۇيىمدار, 185 ملنتەڭگەگە دەزينفەكتسيالىق ەرءىتىندىلەر ساتىپ الىندى. سونداي-اق وكپەنى جاساندى جەلدەتۋ اپپاراتتارىنىڭ سانى 178-دەن 348-گە دەيىن ارتتى. قوسىمشا 4 وتتەگى ستانتسياسى ورناتىلىپ, 8-گە جەتتى, 80 بىرلىك وكسيگەناتسيا اپپاراتى (HI-FLOW) ساتىپ الىندى. ال وتتەگى كونتسەنتراتورلارىنىڭ سانى 890 بىرلىككە جەتتى. وبلىستىق بيۋدجەت ەسەبىنەن 1 كومپيۋتەرلىك توموگراف پەن 3 ساندىق رەنتگەن اپپاراتى ورناتىلدى. مەديتسينالىق ۇيىمداردا پۋلسوكسيمەتردىڭ قامتاماسىز ەتىلۋى 190-نان 4 069-عا دەيىن جەتتى», دەدى مارات پاشيموۆ.
وبلىستا COVID-19 ىندەتىن جۇقتىرعان مەديتسينا قىزمەتكەرلەرىنىڭ سانى – 214, پنەۆمونيانى 200 ادام جۇقتىرىپ, 16 ادام قايتىس بولعان. بۇگىندە بارلىق قايتىس بولعان مەديتسينا قىزمەتكەرىنىڭ وتباسىنا 10 ملن تەنگەدەن, جالپى 160 ملن تەڭگە كولەمىندە الەۋمەتتىك تولەم جاسالعان. سونىمەن قاتار, ۆيرۋستى جۇقتىرعان 182 مامانعا بارلىعى 2 ملن تەڭگە كولەمىندە تولەمدەر بەرىلدى. كوروناۆيرۋس ىندەتىمەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان بارلىعى39 387 مەديتسينالىق قىزمەتكەرگە تامىز ايىنا دەيىن جۇمىس ۋاقىتىن ەسەپكە الۋ نەگىزىندە 7,8 ملردتەڭگە قارجىلاي ۇستەمەاقى تولەندى.
تۇركىستان وبلىسى
