وسى ورايدا, بۇگىن جامبىل وبلىسىنىڭ اكىمى بەردىبەك ساپارباەۆ پەن س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ رەكتورى تالعات نۇرعوجينءنىڭ قاتىسۋىمەن تاراز قالاسىنداعى جامبىل جوعارى مەديتسينالىق كوللەدجىنىڭ بازاسىندا اتالعان ۋنيۆەرسيتەتتىڭ فيليالى اشىلدى.
جامبىل جوعارى مەديتسينالىق كوللەدجءىنىڭديرەكتورى ءجاميلا سارىبەكوۆا قوناقتارعا پاندىك كابينەتتەردى ارالاتىپ, تەلەستۋديا, مۇراجاي, كىتاپحانا جانە ەلەكتروندىق قىزمەتتەردى ۇسىنۋعا ارنالعان عيماراتتاردى تانىستىردى. بۇل رەتتە بەردىبەك ساپارباەۆ مۇگەدەكتىگى بار ستۋدەنتتەردىڭ ءبىلىم الۋىنا جاسالعان جاعدايمەن تانىسىپ, ينكليۋزيۆتى ءبىلىم بەرۋدى دامىتۋ مەن تۇلەكتەردىڭ جۇمىسقا ورنالاسۋ مۇمكىندىگىنە كوڭىل ءبولدى. ال, اتالعان فيليالدا باستاپقى كەزدە شامامەن 100 ادام وقۋدى باستاعان. سونداي-اق, رەزيدەنتتەردى بەلسەندى تۇردە تارتۋ كوزدەلگەن. ءوز سوزىندە ءجاميلا سارىبەكوۆا كوللەدجدە ينكليۋزيۆتى توپ قۇرىلعانىن, تۇلەكتەردى جۇمىسقا ورنالاستىرۋ ءۇشىن وبلىستاعى 41 دەنساۋلىق ساقتاۋ مەكەمەسىمەن ىنتىماقتاستىق تۋرالى كەلىسىمشارتتار جاسالعانىن اتاپ ءوتتى. كوللەدج ۇجىمىمەن كەزدەسكەن بەردىبەك ساپارباەۆ پاندەميا جاعدايىندا دەنساۋلىق ساقتاۋ سالاسىن مەملەكەتتىك قولداۋ ايتارلىقتاي ارتقانىن جەتكىزدى. «پاندەمياءبىزدىڭ بۇرىننان كەلە جاتقان ماسەلەلەرىمىزدى, ءبىرىنشى كەزەكتە سالاداعى كادرلاردىڭ تاپشىلىعىن كورسەتىپ بەرءدى. بۇگىنگى كۇنى شامامەن 250 بوس جۇمىس ورنى بار. ماسەلە جۇيەلى تۇردە شەشىلۋى كەرەك. وسىنى ەسكەرىپ ءبىز قىركۇيەك ايىندا س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىمەن ىنتىماقتاستىق ورناتىپ, ءتيىستى مەموراندۋم جاسادىق. جوعارى وقۋ ورنىنىڭ تاجىريبەلى دارىگەرلەرى شالعاي اۋداندارداعى جەرگىلىكتى مەديتسينالىق قىزمەتكەرلەرگە كومەكتەسىپ, تاجىريبەلەرىمەن بولىسەدى. بۇل تاجىريبەلى دارىگەرلەرمەن, پروفەسسورلارمەن قويان-قولتىق جۇمىس ىستەپ, تاجىريبەسىن مەڭگەرۋگە, عىلىمدى دامىتۋعا تاماشا مۇمكىندىك», دەدى ول.
تالعات نۇرعوجيننىڭ ايتۋىنشا, بۇل ىنتىماقتاستىق بارلىق تاراپتارعا ءتيىمدى. ۋنيۆەرسيتەت كوللەدج وقىتۋشىلارى ءۇشىن دوكتورانتۋرادا وقۋدى ۇيىمداستىرۋعا, وقۋ پروتسەسىنە جاڭا تەحنولوگيالاردى ەنگىزۋگە قابىلەتتى. ول ءوز سوزىندە جاپونيا جانە باسقا دا دامىعان ەلدەردىڭ جوعارى وقۋ ورىندارىمەن تىعىز بايلانىس ورناتا وتىرىپ, جامبىلدىق وقىتۋشىلار مەن دارىگەرلەردىڭ بىلىكتىلىگىن ارتتىرۋ ءۇشىن سول جاققا جىبەرۋگە بولاتىنىن, جۇمىس جولعا قويىلا كەلە باسقا دا مۇمكىندىكتەر اشىلاتىنىن ايتتى. ال, بەردىبەك ساپارباەۆ ءتورت كومپيۋتەرلىك اپپارات پەن ەكى ماگنيتتى-رەزونانستىق توموگرافيا, انگيوگرافتار جانە باسقا زاماناۋي جابدىقتار ساتىپ الۋ جوسپارلارى تۋرالى قىسقاشا ايتا كەلىپ, مۇنداي قوندىرعىلار ءاربىر اۋداندا بولۋى كەرەكتىگىن جەتكىزدى.
جامبىل وبلىسى
