ءوزىنىڭ Instagram-داعى اككاۋنتىندا قالا اكىمى ب. ساعىنتاەۆ قالا ءدارىحانالارىندا جوعارى سۇرانىسقا يە دارىلىك زاتتار مەن مەديتسينالىق ونىمدەردىڭ تاپشىلىعىن بولدىرماۋ شارالارى تۋرالى جازدى.
«جۇمىس ساپارى كەزىندە قالاداعى دارىحانالارعا بەرىلۋ ءۇشىن تۇراقتاندىرۋ قورىنا ساتىپ الىناتىن مەدپرەپارات قويمالارىنداعى جاعدايمەن تانىستىم. بيىل «مەدسەرۆيس پليۋس» كومپانياسى 6 ملن بۋما پاراتسەتامول مەن اسپيرين جەتكىزدى. مينيمالدى قالدىق - 1,2 ميلليون بۋما», - دەپ جازدى الماتى اكىمى.
ونىڭ ايتۋىنشا, قابىلدانعان مىندەتتەمەلەر اياسىندا Biola فارماتسەۆتيكالىق كومپانياسى الماتىعا 27 قالدىق ميلليون بىرلىك مەديتسينالىق ءونىم – شپريتستەر, ينفۋزيالىق جۇيەلەر, ەلەكتروندى جانە سىناپتى تەرمومەترلەر اكەلدى. تومەندەتىلمەگەن قالدىق – 5,4 ملن بىرلىكتەگى مەديتسينالىق بۇيىمدار.
«ىڭكار» كومپانياسىنىڭ قويمالارىندا – 62 ءتۇرلى 7,7 ملن دارىلىك زاتتار, ونىڭ ىشىندە 1,4 ملن پاكەت انتيبيوتيكتەردىڭ ازايمايتىن قورى («ازيتروميتسين», «سۋمامەد» جانە ت.ب.), دەنە قىزۋىن تۇسىرەتىن («يبۋپروفەن», «يبۋفەن» جانە ت.ب.), انتيكواگۋليانتتار («كارديوماگنيل», «فراكسيپارين» جانە ت.ب.), ۆيرۋسقا قارسى دارىلەردىڭ قورى بار («فاۆيپيراۆير», «انافەرون», «ينگاۆيرين» جانە ت.ب.).
«جالپى شىلدە ايىنان بەرى تۇراقتاندىرۋ قورىنا مەدونىمدەردىڭ 64 ءتۇرى مەن مەدبۇيىمداردىڭ 4 ءتۇرى بويىنشا 45 ملن. ءدارى-دارمەك جەتكىزىلدى. بۇل – جوسپارلانعان كولەمنەن 12%-عا ارتىق. جالپى تومەندەتىلمەيتىن قور كولەمى – 8 ملن. بىرلىك. مەدپرەپاراتتار قالاداعى بارلىق ءدارىحانا جەلىسىنە جىبەرىلەدى. بۇل شارا اۋرۋدىڭ ۋشىققان كەزەڭىندە ءدارى-دارمەك تاپشىلىعىن بولدىرماۋعا مۇمكىندىك بەرەدى», - دەپ اتاپ ءوتتى الماتى اكىمى ب. ساعىنتاەۆ.
