اتاپ ايتقاندا, پاندەميا جاعدايىندا حالىققا كورسەتىلەتىن قولداۋ شارالارى, ءبىلىم بەرۋ جانە دەنساۋلىق ساقتاۋ جۇيەلەرىن دامىتۋ, كولىك ينفراقۇرىلىمى جانە ەنەرگەتيكا سالاسىنداعى جوبالاردى ىسكە اسىرۋ, قالانىڭ باس جوسپارى مەن بىرىڭعاي ديزاين-كودىن ازىرلەۋ جانە بەكىتۋ, قوعامدىق قۇقىقتىق ءتارتىپتى كۇشەيتۋ جانە ت. ب. ماسەلەلەر.
الماتى قالاسى قوعامدىق كەڭەسىنىڭ توراعاسى راحمان الشانوۆ COVID-19 كوروناۆيرۋسىنان تۋىنداعان الەمدىك پاندەمياعا جانە ءىس-شارالاردى وتكىزۋدە ەنگىزىلگەن سانيتارلىق-ەپيدەميالىق تالاپتارعا وراي الماتى قالاسى قوعامدىق كەڭەسىنىڭ جەرگىلىكتى جەرلەردە بولىپ, قوعامدىق مونيتورينگ جۇرگىزگەنىن جانە ونلاين-كونفەرەنتسيا فورماتىنا كوشكەنىن ايتتى. كەڭەس وتىرىستىندا COVID-19-عا قاتىستى جاعداي, مەديتسينالىق مەكەمەلەردىڭ جۇمىسى, ازىق-ت ۇلىك باعالارىنا مونيتورينگ, الەۋمەتتىك ماڭىزى بار باعىتتار جانە قالالىق اۆتوبۋستاردىڭ قىزمەتى, كارانتين كەزىندە مەديتسينا قىزمەتكەرلەرىن قارجىلىق قولداۋ جانە ت. ب. ماسەلەلەر تالقىلاندى.
قوعامدىق كەڭەستىڭ مۇشەسى, «ترانسپارەنسي قازاقستان» قق قامقورشىلىق كەڭەسىنىڭ توراعاسى مارات شيبۇتوۆ ساۋلەت جانە قۇرىلىس ماسەلەلەرىنە توقتالدى, سونىمەن بىرگە اكىمدىك بەلگىلەگەن مەرزىمدە جەو-ىن گازداندىرۋ تۋرالى شەشىمدى قولدايتىنىن ايتتى.
«بىرىنشىدەن, اكىمدىك پاندەميا, لوكداۋن كەزىندە قالانىڭ تىنىس- تىرشىلىگىن جوعارى دەڭگەيدە جۇرگىزدى. سونىڭ ارقاسىندا حالىق دۇربەلەڭگە تۇسكەن جوق. ەكىنشىدەن, سوڭعى ونجىلدىق بويى كوتەرىلىپ كەلە جاتقان جەو-ىن گازداندىرۋ ماسەلەسى شەشىلدى. ۇشىنشىدە, قالانىڭ ستراتەگيالىق جوسپارى قابىلداندى», - دەدى قازاقستان رەسپۋبليكاسى ۇلتتىق كووپەراتيۆتەر جانە ەكونوميكالىق قوعامداستىقتارىنىڭ باسقا دا نىساندارى قاۋىمداستىعى» زتب پرەزيدەنتى قازبەك شايح.
كەزدەسۋ بارىسىندا «قازاقستاننىڭ داعدارىس ورتالىقتارىنىڭ وداعى» زتب باسقارما ءتورايىمى ز. بايساقوۆا, ساياساتتانۋشى, قوعام قايراتكەرى ا. سارىم, الماتى قالالىق القا تورالقاسىنىڭ مۇشەسى, ادۆوكات ن. جازىلبەكوۆ, قازاقستاننىڭ «كازرەنا» عىلىمي-ءبىلىم بەرۋ كومپيۋتەرلىك جەلىسىن پايدالانۋشىلار قاۋىمداستىعىنىڭ باس ديرەكتورى ب. جاپاروۆ جانە ت. ب. ءسوز سويلەدى.
كوتەرىلگەن ماسەلەلەر بويىنشا قالالىق باسقارمالاردىڭ باسشىلارى, اۋدان اكىمدەرى تىڭدالدى.
مەگاپوليس اكىمى باقىتجان ساعىنتاەۆ اكىمدىكتىڭ اشىق جۇمىس ىستەيتىنىن اتاپ ءوتتى. ول قالا تۇرعىندارىن جوسپارلانعان شەشىمدەر مەن وزگەرىستەر تۋرالى حاباردار ەتۋ قاجەتتىگىن باسا كورسەتتى.
«مەملەكەت باسشىسى قاسىم-جومارت توقاەۆ «حالىق ۇنىنە قۇلاق اساتىن مەملەكەت» تۇجىرىمداماسىن ايقىنداپ بەردى. ءبىزدىڭ باستى مىندەتىمىز- الماتىلىقتاردىڭ بارلىق سۇرانىستارىنا جەدەل ءارى ءتيىمدى جاۋاپ بەرۋ. قالا تۇرعىندارىنىڭ مۇددەسى ءۇشىن ارەكەت جاساۋعا ءتيىسپىز. قالا تۇرعىندارىنىڭ ءومىر ءسۇرۋ ساپاسى مەن دەڭگەيىن ارتتىرۋ, جايلى ينفراقۇرىلىمدى قالىپتاسمتىرۋ ءۇشىن بىرىگىپ جۇمىس جاساۋىمىز قاجەت. قالا تۇرعىندارىن ەڭ وزەكتى ماسەلەلەردى تالقىلاۋعا كەڭىنەن قاتىستىرعان ءجون", دەپ اتاپ ءوتتى ب. ساعىنتاەۆ. اكىمنىڭ وسى باستاماسى بويىنشا بۇدان بىلاي قوعامدىق كەڭەس مۇشەلەرىمەن كەزدەسۋلەر اي سايىن وتەتىن بولادى.
