الماتى قالالىق مەملەكەتتىك كىرىستەر دەپارتامەنتىنىڭ دەرەكتەرى بويىنشا, قالا بويىنشا ءوسىمپۇلداردى ەسەپتەن شىعارۋدا اكتسيانىڭ باسىندا بورىشكەرلەر سانى 192 مىڭ جەكە تۇلعانى قۇرادى, وندا 6,5 ملرد تەڭگەدەن استام بەرەشەك, ونىڭ ىشىندە نەگىزگى قارىز سوماسى — 5,4 ملرد تەڭگە جانە ءوسىمپۇل — 1,1 ملرد تەڭگە بولدى.
بۇگىنگى كۇنى الماتى قالاسىندا راقىمشىلىقتى 97 141 سالىق تولەۋشى پايدالاندى, وندا 245 ملن تەڭگە سوماسىنا ءوسىمپۇل ەسەپتەن شىعارىلدى جانە نەگىزگى وتەلگەن بورىش سوماسى 2,1 ملرد تەڭگەنى قۇرايدى. بۇل رەتتە ءوسىمپۇلدى ەسەپتەن شىعارۋ اۆتوماتتى تۇردە جۇرگىزىلەدى, بورىشتىڭ نەگىزگى سوماسىن عانا تولەۋ جەتكىلىكتى.
وسى شاراعا قاتىستى الماتىلىقتار ءوز ويلارىمەن ءبولىستى.
مىسالى, ليۋبوۆ پوگورەلوۆا راقىمشىلىقتىڭ جىلجىمايتىن م ۇلىككە قويىلعان شەكتەۋدى الىپ تاستاۋعا مۇمكىندىك بەرگەنىن اتاپ ءوتتى.
«مەنىڭ بانكتە كەپىلدە تۇرعان اۆتوكولىگىمە كولىك سالىعى سالىندى. مەن وسى جەڭىلدىكتى پايدالاندىم, سول ءۇشىن دە ونى جىل سوڭىنا دەيىن سوزىپ بەرگەنىنە قۋانىشتىمىن. بۇل قيىن جاعدايدا قالعان تۇلعالار ءۇشىن ۇلكەن كومەك بولىپ وتىر»,- دەيدى ول.
الماتىنىڭ تاعى ءبىر تۇرعىنى ولگا جاركوۆا اتالعان قىزمەتتىڭ ىڭعايلى ءارى جەدەل ەكەندىگىن اتاپ ءوتتى.
«بۇل ىڭعايلى, تەز, ارتىق قۇجات جيناۋدى قاجەت ەتپەيدى, جاي عانا قارىزدى تولەگەندە, ءوسىمپۇل اۆتوماتتى تۇردە ەسەپتەن شىعارىلادى. ىڭعايلىلىعى, ەشقايدا بارۋدىڭ قاجەتى جوق ەكەندىگىندە. بارلىعىن ونلاين رەجيمدە, كەز-كەلگەن بانكتىڭ قىزمەتتەرى ارقىلى جاساۋعا بولادى. بۇگىنگى كۇنى وزەكتى بولىپ وتىرعانداي, ەشقايدا بارمايسىز, ەشكىممەن بايلانىس جاسامايسىز, بىراق پروتسەستىڭ ءوزى وتە جىلدام. قارىزى جينالىپ قالعاندار بولسا, وسى مۇمكىندىكتى پايدالانىپ قالۋ كەرەك», - دەدى ول.
دەپارتامەنتتىڭ دەرەكتەرى بويىنشا, 2020 جىلعى 1 ساۋىردەگى جاعداي بويىنشا سالىق تولەۋشىلەردىڭ دەربەس شوتتارىندا ەسەپتە تۇرعان م ۇلىك, جەر جانە كولىك قۇرالدارى سالىعى بويىنشا بەرەشەك 2020 جىلعى 31 جەلتوقسانعا دەيىن تولەنگەن جاعدايدا, جەكە تۇلعالاردىڭ وسىماقىلارى كەشىرىلەدى. بۇل رەتتە ءوسىمپۇل بەرەشەگى تولەنگەن سالىق ءتۇرى بويىنشا عانا كەشىرىلەدى.
بۇل نورما مۇنداي ادامداردىڭ سالىق مىندەتتەمەلەرى كاسىپكەرلىك قىزمەتتى, جەكەشە نوتاريۋستىڭ, جەكە سوت ورىنداۋشىسىنىڭ, ادۆوكاتتىڭ نەمەسە كاسىبي مەدياتوردىڭ قىزمەتىن جۇزەگە اسىرۋمەن بايلانىستى ەمەس جاعدايلاردى قوسپاعاندا, جەكە كاسىپكەر رەتىندە تىركەۋ ەسەبىندە تۇرعان ادامدارعا جانە جەكە پراكتيكامەن اينالىساتىن ادامدارعا قولدانىلمايدى.
بارلىق تۋىنداعان سۇراقتار بويىنشا ازاماتتار الماتى قالاسى بويىنشا مەملەكەتتىك كىرىستەر دەپارتامەنتىنىڭ كولل-ورتالىعىنا 1414 تەلەفونى بويىنشا جۇگىنە الادى
