ساۋاپتى جوبا – ەلىمىزدەگى بالالار اۋرۋحانالارى مەن پەريناتالدىق ورتالىقتارىنا زاماناۋي رەانيماتسيالىق جابدىقتاردى ساتىپ الۋعا قاراجات جيناۋدى كوزدەيدى.
«بيىلعى جىل بۇكىل الەمدەگى قايىرىمدىلىق قورلاردى قوسا العاندا, بارلىعىمىز ءۇشىن ايتارلىقتاي كۇردەلى بولدى. بارلىق ەلدەر مەن ۇيىمداردىڭ كۇش-جىگەرى كوروناۆيرۋس پاندەمياسىنا جانە ونىڭ سالدارىنا قارسى كۇرەسكە باعىتتالدى. قازاقستاندا 14 جىل بويى بالا ءولىمى مەن مۇگەدەكتىگىن ازايتۋ ماقساتىندا جۇمىس ىستەپ كەلە جاتقان قور رەتىندە ءبىز مۇنى تولىق سەزىندىك. كوروناۆيرۋستىڭ تارالۋىمەن كۇرەسۋ قاجەت. بىراق بالالار كۇن سايىن شۇعىل رەانيماتسيالىق كومەككە مۇقتاج. سوندىقتان ءبىز «قامقورلىق كۇشى» الەۋمەتتىك ناۋقانىن باستادىق. ماقساتىمىز – وتانداستارىمىزدىڭ ورتاق كۇشىن قازاقستانداعى بالالار ءومىرىن قۇتقارۋعا باعىتتاۋ. ەگەر اۋرۋحانا رەانيماتسيالارىندا ەڭ زاماناۋي قۇرال-جابدىقتار – جاڭا تۋعان نارەستەلەردىڭ قارقىندى تەراپياسىنا ارنالعان ينكۋباتورلار, سيپاپ جانە ءوجج اپپاراتتارى, نەوناتالدىق مونيتورلار جانە باسقا دا ونداعان مەديتسينالىق اپپاراتتار تۇرسا, ونى جۇزەگە اسىرۋعا بولادى. سوندىقتان ءبىز جەكە قاتىسۋى ارقىلى ءبىزدىڭ قامقورلىق كۇشىمىزدى, ء«ومىر سىيلايىق» جوباسىن قولداعانى ءۇشىن گەننادي گولوۆكينگە وتە ريزامىز. بۇل كوپتەگەن وتانداستارىمىزدى وسى جوباعا قاراجات جيناۋعا قاتىسۋعا شابىتتاندىرادى دەپ ۇمىتتەنەمىز», – دەيدى AYALA قايىرىمدىلىق قورىنىڭ پرەزيدەنتى ايدان سۇلەيمەنوۆا.
ء«ومىر سىيلايىق» جوباسى 2007 جىلدان بەرى قور تاراپىنان جۇزەگە اسىرىلىپ كەلەدى. ءىرى كورپوراتيۆتىك دەمەۋشىلەردىڭ قولداۋىمەن جانە قازاقستاندىقتاردىڭ قايىرمالدىقتارىنا قازاقستاننىڭ 36 قالاسىنىڭ 67 بالالار اۋرۋحاناسى مەن پەريناتالدىق ورتالىقتارىندا زاماناۋي رەانيماتسيالىق جابدىقتار ورناتىلدى.
ول قازىردىڭ وزىندە جۇكتىلىكتىڭ ەرتە مەرزىمىندە تۋعان, سونداي-اق بوسانۋدا ءارتۇرلى اسقىنۋلارمەن جانە تۋا بىتكەن دەنساۋلىق پروبلەمالارىمەن تۋعان 100 مىڭنان استام نارەستەنىڭ ءومىرىن قۇتقارۋعا كومەكتەستى.
وسى جوبانى جۇزەگە اسىرۋ بارىسىندا 500 ملن تەڭگەدەن استام قارجىنى كومەك كورسەتۋگە قۇشتار قازاقستاندىقتار مەن ءىرى دەمەۋشىلەر AYALA قورىنا اۋدارعان. بۇل 96 فوتوتەراپيا اپپاراتىن, 11 وكپەنى جاساندى جەلدەتۋ اپپاراتىن, جاڭا تۋعان نارەستەلەرگە ارنالعان 7 ينكۋباتور, 18 رەانيماتسيالىق ۇستەلدەر, 140 ينفۋزيالىق جانە شپريتستىك مولشەرلەگىشتەر, 7 سيپاپ اپپاراتىن, 43 مەديتسينالىق سورعىش اپپاراتىن, 25 كەرەۋەت الدىنداعى مونيتورلاردى, 2 ناركوز اپپاراتىن, دەفيبريللياتوردى جانە نارەستەلەردىڭ ءومىرىن قۇتقارىپ قالۋعا ماڭىزدى جۇزدەگەن باسقا مەديتسينالىق قۇرىلعىلاردى ساتىپ الۋعا جانە ورناتۋعا مۇمكىندىك بەردى.
2020 جىلى ء«ومىر سىيلايىق» جوباسى اياسىندا قور «شەۆرون» كومپانياسىنىڭ دەمەۋشىلىك قولداۋىمەن الماتىنىڭ بالالار جۇقپالى اۋرۋلار اۋرۋحاناسىنىڭ رەانيماتسيا بولىمىندە 2 ءوجج اپپاراتىن ورناتتى. Gasenergy اجقس جەلىسىندە, Qaganat قوعامدىق تاماقتانۋ جەلىسىندە, Mamma Mia جانە Ciao Pizza مەيرامحانالارىندا ورناتىلعان بوكستار ارقىلى جينالعان قاراجاتقا, كاسسا24 تەرمينالدارى ارقىلى اۋدارىمدارعا, جەكە دەمەۋشىلەردىڭ قايىرمالدىقتارىنا اقتوبە مەديتسينالىق ورتالىعىنا جاڭا تۋعان نارەستەلەردىڭ قارقىندى تەراپياسىنا ارنالعان ينكۋباتور جانە ءبىر فوتوتەراپيا شامى بەرىلدى. الماتىنىڭ پەريناتولوگيا جانە بالالار كارديوحيرۋرگياسى ورتالىعىنا 3 فوتوتەراپيا شامى مەن ەلەكترەنتسەفالوگرافيا مونيتورى جەتكىزىلدى. الماتى قالالىق پەريناتالدىق ورتالىعىنا قور ەكى فوتوتەراپيا شامىن تاپسىردى.
الايدا مەديتسينالىق جابدىق ىستەن شىعىپ, 5-7 جىلدان كەيىن اۋىستىرۋدى قاجەت ەتەدى. سوندىقتان AYALA قورى مەديتسينالىق مەكەمەلەردە بولىنگەن بيۋدجەت قاراجاتى جەتىسپەيتىن جاڭا رەانيماتسيالىق قۇرال-جابدىقتاردى ساتىپ الۋ ءۇشىن ۇنەمى قايىرمالدىقتار جيناپ, دەمەۋشىلەر ىزدەستىرۋدە.
«قامقورلىق كۇشى» الەۋمەتتىك ناۋقانى ارقىلى جينالعان بارلىق قاراجات ء«ومىر سىيلايىق» جوباسىن ىسكە اسىرۋعا باعىتتالاتىن بولادى, ويتكەنى قوردىڭ اكىمشىلىك شىعىستارى, اقپاراتتىق جانە جارنامالىق ناۋقانعا جۇمسالاتىن شىعىستاردى قوسا العاندا, قور قۇرىلتايشىلارىنىڭ ەسەبىنەن تولىق قامتاماسىز ەتىلەدى.
الماتى
