توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, ديسپەتچەرلىك پۋلتكە ساعات 11:20-دا «رىبوحود» كانالىنا جۇك تيەگىش كولىكتىڭ ءتۇسىپ كەتكەنى حابارلانعان.
«49 جاستاعى ازامات جۇك تيەگىش كولىگىمەن كانالدىڭ كەلەسى بەتىنە وتپەك بولعان. الايدا مۇز ويىلىپ, كولىك كانالعا باتىپ كەتكەن. وقيعا ورنىنا جەدەل جەتكەن جەدەل-قۇتقارۋ جاساعىنىڭ قۇتقارۋشىلارى اتالعان كانالدىڭ تەرەڭدىگى 2 مەتر, مۇزدىڭ قالىڭدىعى 30 سم بولاتىنىن انىقتادى. ال كولىكتىڭ باتىپ كەتكەن جەرى جاعادان شامامەن 45 مەتر قاشىقتىقتا ەكەنى بەلگى بولدى» دەپ حابارلادى دەپارتامەنتتىڭ ءباسپاسوز قىزمەتىنەن.
قۇتقارۋشىلار كانال مۇزىن ويىپ, سۇڭگۋىرلەر سۋ استىنداعى كولىككە ارقاندى بەكىتكەن. سودان كەيىن «دت-75» تراكتورىنىڭ كومەگىمەن جۇك تيەگىش كولىكتى جاعاعا سۇيرەپ شىعاردى.
