وندا تۇڭعىش پرەزيدەنت كۇنىنە جانە قازاقستاننىڭ تاۋەلسىزدىك كۇنىنە ارنالعان قازاقستاندىق كىتاپتار, ۇلتتىق مۋزىكالىق اسپاپتار, قازاق مادەنيەتىنىڭ تۇرمىستىق زاتتارى, سونداي-اق فوتوماتەريالدار ۇسىنىلعان.
ءىس-شاراعا ۋنيۆەرسيتەت باسشىلىعى مەن وقىتۋشىلارى, قازاقستاندىق جانە شەتەلدىك ستۋدەنتتەر, سونداي-اق گونكونگتىڭ عىلىمي جانە مادەني توپتارىنىڭ وكىلدەرى قاتىستى.
ءراسىمدى اشقان ۋنيۆەرسيتەتتىڭ ۆيتسە-پرەزيدەنتى البەرت چاۋ ەكىجاقتى مادەني-گۋمانيتارلىق ىنتىماقتاستىقتى ودان ءارى نىعايتۋعا ىقپال ەتەتىن وسى ءىس-شارانى وتكىزۋدىڭ ماڭىزدىلىعىن اتاپ ءوتتى. ول سونداي-اق, قازاقستان ادەبيەتى سەكتسياسىنىڭ اشىلۋى گونكونگ تۇرعىندارىنا قازاقستان حالقىنىڭ باي رۋحاني مۇراسى تۋرالى كوبىرەك بىلۋگە قوسىمشا مۇمكىندىك بەرگەنىن ايتتى.
ءوز كەزەگىندە, قازاقستاننىڭ گونكونگتاعى (قحر) باس كونسۋلدىعى وسىنداي ماڭىزدى ءىس-شارانى ۇيىمداستىرۋعا جانە وتكىزۋگە قولداۋ كورسەتكەنى ءۇشىن ۋنيۆەرسيتەتكە العىسىن ءبىلدىرىپ, بۇل ەكسپوزيتسيا گونكونگ اۋديتورياسىنىڭ ءبىزدىڭ مادەنيەتىمىزگە دەگەن قىزىعۋشىلىعىن جانە ونىمەن جاقىنىراق تانىسۋعا دەگەن ىنتاسىن وياتۋعا باعىتتالعانىن ايتا كەتتى.
ءىس-شارا اياسىندا وقۋ ورنى كىتاپحاناسىنىڭ قورىنا ءبىزدىڭ ەلىمىز جانە ونىڭ كورنەكتى تاريحي تۇلعالارى تۋرالى اعىلشىن, قىتاي جانە پورتۋگال تىلدەرىندەگى كىتاپ جيناقتارى بەرىلدى.
گونكونگ باپتيستiك ۋنيۆەرسيتەتى قازاقستاندىق ادەبيەت سەكتسيالارى اشىلعان بەسىنشى گونكونگ ۋنيۆەرسيتەتى (بۇعان دەيىن لينگنان ۋنيۆەرسيتەتىندە, گونكونگ عىلىم جانە تەحنولوگيالار ۋنيۆەرسيتەتىندە, گونكونگ پوليتەحنيكالىق ۋنيۆەرسيتەتىندە جانە گونكونگ ءبىلىم ينستيتۋتىندا اشىلعان بولاتىن).
