الماتى وبلىسى اكىمدىگىنىڭ اقپاراتى بويىنشا ەلىمىزدە توتەنشە جاعداي رەجىمى كەزىندە وبلىس ەرىكتىلەرى 26 مىڭ وتباسىنا كومەكتەسىپ, ءوڭىر تۇرعىندارىنا 80 مىڭ مەديتسينالىق ماسكا تاراتقان جانە جەدەل جەلى تەلەفونى ارقىلى ءتۇرلى ماسەلەلەر بويىنشا 50 مىڭ تۇرعىنعا كەڭەس بەرگەن.
وسىلايشا, 7 اتالىم بويىنشا «Asyl Júrek» سىيلىعىنىڭ 7 جەڭىمپازدارى ماراپاتتالدى:
«Asyl Júrek: مۇراگەر». ەتنو ەرىكتىلىك – الەكساندر سون;
«Asyl Júrek: جان جىلۋى». الەۋمەتتىك ۆولونتەرلىك – امانگەلدى تولامىسوۆ, «حارەكەت» قايىرىمدىلىق قورىنىڭ ۆولونتەرى»;
«Asyl Júrek: تابيعات سۇيەر». ەكو ۆولونتەرلىك – سەرگەي تاندەەۆ, «قاز ەكو» قوعامدىق قورىنىڭ ديرەكتورى, «ۆولونتەرلىك قوزعالىس» ەكوتوبىن قۇرۋشى;
«Asyl Júrek: حايۋاناتتار قورعاۋشىسى». زووۆولونتەرلىك – ۆەرونيكا گۋزەنكو, «زووكلۋب» قوعامدىق قورىنىڭ جەتەكشىسى;
«Asyl Júrek: كوزسىز ەرلىك». توتەنشە جاعداي ەرىكتىلىگى – وكسانا امىرعاليەۆا, «LIDER.KZ» جوعالعان ادامداردى ىزدەۋ» كلۋبىنىڭ ۆولونتەرى;
«Asyl Júrek: بىلگەنىمەن بولىسكەن». ونلاين-ۆولونتەرلىك – الىشەر بەكمۇستافاەۆ, مەكتەپ ۆولونتەرلەرى كلۋبىنىڭ پرەزيدەنتى, «Birgemiz: Bilim-2020» جوباسىنىڭ مۇشەسى;
«Asyl Júrek: شيپاگەر». مەديتسينالىق ەرىكتىلىك – المابەك باتقالبەكوۆ, 2005 جىلدان باستاپ تالدىقورعان قالاسىنىڭ جەدەل جاردەم ستانساسىندا جۇمىس ىستەيدى;
«Asyl Júrek: حالىق جاناشىرى». الەۋمەتتىك ەرىكتىلىك – حۋمار حادىس ۇلى, 2017 جىلدان باستاپ تالدىقورعان قالاسىنا قاراستى ەركىن ەلدى مەكەنىنىڭ مەشىتىندە جۇمىس ىستەيدى.
ءىس-شارا بارىسىندا «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ باسقارما توراعاسى دانيار ەسين «Asyl Júrek: مۇراگەر» اتالىمىنىڭ جەڭىمپازى الەكساندر سون مەن «Asyl Júrek: بىلگەنىمەن بولىسكەن» اتالىمىنىڭ ۇزدىگى الىشەر بەكمۇستافاەۆتى ماراپاتتادى.
سالتاناتتى شارانى الماتى وبلىسىنىڭ اكىمدىگى مەن الماتى وبلىسى بويىنشا «رۋحاني جاڭعىرۋ» وڭىرلىك جوبالىق كەڭسەسى ۇيىمداستىردى.
