دەموكراتيالىق پارتيانىڭ كانديداتتارى ەلوردالىقتاردى وزدەرىنىڭ سايلاۋالدى باعدارلاماسىمەن تانىستىرىپ, سايلاۋشىلاردىڭ سۇراقتارىنا جاۋاپ بەردى.
ۇگىت-ناسيحات توبىن باستاپ كەلگەن دانيا ەسپاەۆا مەن سۇلتان حان ءجۇسىپ ۇلتتىق كىتاپحانا ۇجىمىنا «تۇبەگەيلى وزگەرىستەر قاجەت» سايلاۋالدى باعدارلاماسى مەن پارتيا قىزمەتى تۋرالى ايتىپ بەردى.
كىتاپحانا قىزمەتكەرلەرى «اق جولدىڭ» الەۋمەتتىك سالاداعى ۇسىنىستارى مەن باستامالارىن ىقىلاسپەن قابىلدادى. ولاردىڭ ايتۋىنشا, ۇلتتىق كىتاپحانادا 140 ادام جۇمىس ىستەيدى, ونىڭ 40 پايىزى – جاستار. قازىرگى تاڭدا تۇرعىن ءۇي ماسەلەسى وتە وزەكتى بولىپ وتىر.
سوندىقتان پارتيانىڭ جاستارعا ارنالعان جاتاقحانالار سالۋ جونىندەگى ۇسىنىسى ەرەكشە قولداۋ تاپتى. جۇمىسشى جاستارعا قولداۋ كورسەتۋ, ولاردىڭ الەۋمەتتىك ماسەلەلەرىن شەشۋ ارقىلى ەلىمىزدەگى جاس ازاماتتار مەن جاس وتباسىلاردىڭ جاعدايىن جاقسارتۋعا مۇمكىندىك بار.
«بۇل جاستاردى قولداۋ ءۇشىن وتە قاجەتتى شارا. سونداي-اق ءبىز سىزدەردىڭ يپوتەكانى سۋبسيديالاۋ جونىندەگى ۇسىنىستارىڭىزدى دا قولدايمىز», دەپ اتاپ ءوتتى كىتاپحاناشىلار. كەزدەسۋگە قاتىسۋشىلار ۇزاق ۋاقىتتان بەرى سالىنىپ بىتپەگەن ۇيلەر, ونىڭ ىشىندە «باسپانا كوكتال» تك قۇرىلىسى ماسەلەسىن دە كوتەردى.
سونىمەن قاتار ولار بالالار كىتاپحانالارىنىڭ قاجەتتىلىگى تۋرالى ايتتى. بۇگىنگى تاڭدا ەلىمىزدە 256 بالالار كىتاپحاناسى بار, ولاردىڭ 7-ەۋى عانا ارنايى مارتەبەگە يە.
كىتاپحانا قىزمەتكەرلەرىنىڭ ايتۋىنشا, بۇل تاقىرىپ اتا-انالاردى دا, مۇعالىمدەردى دە مازالايدى. جالپى, وسكەلەڭ ۇرپاقتىڭ ءبىلىم الۋى مەن ساۋاتتى بولۋى, ولاردى كىتاپ وقۋعا قىزىقتىرۋ سەكىلدى ماسەلەلەردى جاڭا زاماناۋي, وقىرمان سۇرانىسىنا تولىقتاي جاۋاپ بەرەتىن كىتاپحانالار سالۋ ارقىلى جۇزەگە اسىرۋعا بولادى.
دانيا ەسپاەۆا كەزدەسۋگە قاتىسۋشىلاردىڭ كوتەرگەن بارلىق ماسەلەلەرى نازارعا الىناتىنىن جانە ولار پارتيانىڭ الداعى جۇمىسىندا ەسكەرىلەتىنىن حابارلادى.
وسىعان دەيىن جاس «اقجولدىقتار» الەۋمەتتىك جەلىلەردە ارنايى ناۋقان باستاعان ەدى. ونلاين-ناۋقان پارتيانىڭ ماڭعىستاۋ وبلىستىق فيليالى جانىنداعى «اق جول» – جاستار» جاستار قاناتىنان باستاۋ الدى.
جەلىلەردەگى شارا الداعى پارلامەنت ءماجىلىسى مەن بارلىق دەڭگەيدەگى ءماسليحاتتار سايلاۋىنا باعىتتالعان. «اقجولدىقتار» بەينەروليكتە پارتيا ۇسىنعان وزگەرىستەر جانە ولاردىڭ قاجەتتىلىگى تۋرالى ەسكە سالىپ, سايلاۋعا بەلسەندى قاتىسۋعا شاقىردى.
