ءىس-شارا بارىسىندا سەناتورلار ەكونوميكانىڭ ەڭ كوپ زارداپ شەككەن سەكتورلارى ءۇشىن بولشەك سالىق ەنگىزۋ, سالىق پەن تولەم كولەمىن ازايتۋ, سونداي-اق ەكونوميكانى ءارتاراپتاندىرۋ جانە بيۋدجەتتى تولىقتىرۋ ءۇشىن سالىق مولشەرلەمەسىن ديففەرەنتسياتسيالاۋ ماسەلەسىن قارادى.
ء«بىزدىڭ الدىمىزدا كاسىپكەرلەر, جۇمىس بەرۋشىلەر جانە بارشا ازاماتتار ءۇشىن سالىق مىندەتتەمەلەرىن جەڭىلدەتۋ, سونداي-اق سالىقتى اكىمشىلەندىرۋدى وڭتايلاندىرۋ مىندەتى تۇر. وسىعان وراي سەناتورلار مەملەكەت باسشىسىنىڭ تاپسىرماسى بويىنشا سالىق كودەكسىنە ەنگىزىلگەن تۇزەتۋلەردى قابىلدادى. سونىڭ ناتيجەسىندە جاڭا سالىق رەجىمى – «بولشەك سالىق» ەنگىزىلدى. بۇل سالىق كارانتيندىك شارالاردان زارداپ شەككەن شاعىن جانە ورتا بيزنەس ءۇشىن 3 پايىزدى قۇرايدى. سونىمەن قاتار كاسىپكەرلەر ءۇشىن سالىق جۇكتەمەسىن تومەندەتۋگە قاتىستى زاڭنامالىق جۇمىستار جالعاسا بەرەدى», دەدى كوميتەت جيىنىندا و.پەرەپەچينا.
