يندۋستريالىق-يننوۆاتسيالىق دامۋ باعدارلاماسىمەن اشىلعان توقىما فابريكاسىنا شەتەلدىك قۇرال-جابدىقتار ورناتىلىپ, جاڭا كاسىپكە بەت بۇرعان جەرگىلىكتى توقىماشىلارعا فرانتسيا, يتاليا, بەلگيا مەن موڭعوليا سەكىلدى ەلدەردىڭ جەتەكشى ماماندارى كەڭەس بەردى. جەرگىلىكتى ماماندار شەتەلدە بىلىكتىلىگىن جەتىلدىرىپ, فابريكا جۇمىسى جولعا قويىلعان ەدى. سول كەزدە جوبا قۇرىلتايشىلارى فابريكادا باستاپقىدا 100 توننا تۇيە, 350 توننا قوي ءجۇنىن وڭدەۋدى جوسپارلادى. ماسەلەن, العاشقى كەزدە مال ءجۇنىن جۋىپ-تازالاۋ, بوياۋ ىسكە اسىرىلدى. ودان سوڭ تازالانعان ءجۇندى تاراپ, ءتۇبىتى الىندى.
جوباعا سايكەس فابريكاعا 150 ادام جۇمىسقا تارتىلۋى ءتيىس بولاتىن. ءسويتىپ, جىلىنا 400 مىڭ مەتر جۇمساق جامىلعى شىعارۋ باستالدى. كەيىنگى جوسپاردا تۇتىنۋشىعا تريكوتاج كوستيۋم, ش ۇلىق سەكىلدى كۇندەلىكتى تۇتىناتىن بۇيىمداردى ۇسىنۋ بار ەدى. الايدا فابريكا ۇجىمى بەس جىلدا 210 توننا ءجۇن وڭدەۋمەن عانا شەكتەلدى.
توقىما فابريكاسىنان شىعارىلعان جىلى جامىلعى مەن كورپە-توسەمدەرگە كاسىپكەرلەر دە, كومپانيالاردان دا تاپسىرىس بولعانى جاسىرىن ەمەس. ءتىپتى تمد مەن ەۋروپا ەلدەرىنەن ءتۇسىپتى. ال اتىراۋدا «بايزار» ساۋدا ورتالىعى ارقىلى ساتىلدى. ەندى سونىڭ ءبارى ء«بالدۋ-ءبالدۋ, ءبارى وتىرىك» دەگەننىڭ كەرىنە ۇشىراپ وتىر. ويتكەنى ءدال قازىر ءتاۋىر جوباعا سانالعان توقىما فابريكاسى توقىراعالى, باسقاشا ايتقاندا, بانكروت بولۋدىڭ از-اق الدىندا تۇر. نەگە؟
مۇنىڭ ءبىر سەبەبى بار. بۇل – فابريكانىڭ جوبادا قاراستىرىلعان وندىرىستىك قۋاتىنىڭ 30 پايىزىن عانا پايدالانۋى. ماسەلەن, تىگىن تسەحىنىڭ مەڭگەرۋشىسى سالتانات مۇحامبەتوۆانىڭ ايتۋىنشا, مەملەكەتتەن بۇرىنعىداي اۋقىمدى تاپسىرىس بەرىلمەيدى. وسىدان كەيىن قارجىلىق قيىندىق تۋىنداپتى. ءتىپتى فابريكادا جۇمىس ىستەيتىندەر جالاقىسىن ۋاقىتىندا الماي وتىر. ال جالاقى بولماعان سوڭ زەينەتاقى, مىندەتتى əلەۋمەتتىك مەديتسينالىق ساقتاندىرۋ قورىنا اۋدارىلاتىن جارنالار مەن سالىقتىق تۇسىمدەر كەشىكتىرىلەتىنى داۋسىز. مىنە, وسىنداي سەبەپتەر كەيبىر مامانداردىڭ جۇمىستان شىعىپ كەتۋىنە تۇرتكى بولعان.
ەندى توقىما فابريكاسى كەزىگىپ وتىرعان قيىندىق قالاي شەشىمىن تابادى؟ «اتىراۋ» اكك» اق اكتيۆتەردى, ەنشىلەس جəنە تəۋەلدى مەكەمەلەردى باسقارۋ دەپارتامەنتىنىڭ ديرەكتورى مارات قاپپاروۆتىڭ پىكىرىنشە, قيىندىقتىڭ ءبارى شيكىزاتتىڭ تاپشىلىعىنان تۋىنداعان. ويتكەنى بۇل فابريكانىڭ جۇمىسىنىڭ نەگىزگى وزەگى – شيكىزات. الايدا فابريكاعا ءجۇن تاپسىرۋشىلار ازايدى. وسى كەزگە دەيىن مۇندا جۇمىس ىستەگەن شەتەلدىك ماماندار ەلىنە كەتىپ, پاندەميانىڭ كەسىرىنەن قايتا ورالماپتى. اتىراۋداعى توقىما فابريكاسىنىڭ بۇگىنگى احۋالى وسىنداي. ال كوممۋنالدىق مەكەمەلەرگە 7 ملن تەڭگەدەن استام قارىزى بار. وتاندىق ءوندىرىستىڭ قاشان وڭالارى بەلگىسىز. شارۋاسى شاتقاياقتاپ تۇرعان فابريكانىڭ ەڭسەسىن تىكتەۋگە قولداۋ كورسەتەر ينۆەستور تابىلا ما؟
ايتقانداي, وتاندىق بيزنەس وكىلدەرىنىڭ ءبىرازى جاھان ەكونوميكاسىن جان القىمنان العان پاندەميانىڭ زاردابىن كورىپ وتىر. بۇعان «اتامەكەن» ۇكپ وڭىرلىك فيليالىنىڭ شاعىن جانە ورتا كاسىپكەرلىك سالاسىنداعى كاسىپكەرلەر اراسىندا جۇرگىزگەن ساۋالداما ناتيجەسى دالەل بولا الادى. ساۋالداماعا 645 كاسىپكەرلىك سۋبەكتىسى قاتىسىپ, قوعامدىق تاماقتاندىرۋ, ءبىلىم بەرۋ, ساۋدا, تۋريزم, قىزمەت كورسەتۋ, ويىن-ساۋىق نىساندارى سىندى قىزمەت تۇرلەرى زەرتتەلدى.
– ساۋالداما قورىتىندىسىنا توقتالساق, وعان قاتىسۋشىلاردىڭ 61 پايىزىندا قارجىلىق جاعدايى ناشارلاپ, ءالى دە رەتتەلمەگەنى انىقتالدى. رەسپوندەنتتەردىڭ 34 پايىزى قارجىلىق جاعدايى مۇشكىل ەكەنىن كورسەتتى. ال 5 پايىزىنا پاندەميا اسەر ەتپەگەن. توتەنشە جاعداي كەزەڭىندە ساۋالداماعا قاتىسقان كاسىپورىندار اقىسىز دەمالىسقا
2 239 جۇمىسكەردى جىبەرسە, 1209 ادام قىسقارىپ قالعان, – دەيدى وڭىرلىك فيليال ديرەكتورى ابدوللا يدرەسوۆ.
ونىڭ ايتۋىنشا, ەلدەگى توتەنشە جاعداي جاريالانعاننان بەرى وڭىرلىك فيليالعا كاسىپكەرلىك سۋبەكتىلەرىنەن 600-دەن استام ءوتىنىش ءتۇسىپتى. نەگىزىنەن كاسىپكەرلەر سالىقتىق جەڭىلدىكتەر مەن قارجىلىق قولداۋ شارالارىن كورسەتۋگە, فورس-ماجورلىق جاعدايلاردى تانۋعا, جالداۋ جانە كوممۋنالدىق تولەمدەردى كەيىنگە شەگەرۋ, كارانتيندىك كەزەڭ ىشىندە ءجۇرىپ-تۇرۋدى شەكتەمەۋگە ءوتىنىش بىلدىرەدى.
اتىراۋ وبلىسى
