2021 جىلدىڭ 1 قاڭتارىنان باستاپ تۇرعىندار تۇتىنۋشىلاردىڭ قۇقىقتارىن قورعاۋعا ارنالعان بىرىڭعاي اقپاراتتىق جۇيەنىڭ قىزمەتىنە جۇگىنە الادى. قازىر بۇل سىناق رەجىمىندە جۇمىس ىستەپ تۇر. دەمەك, ءار تۇرعىن ۇيالى تەلەفون نەمەسە كومپيۋتەر ارقىلى Weask.kz سايتىندا ءوزىنىڭ ءوتىنىشىن جىبەرەدى. Alser, Lamoda, «Mاگنۋم» جانە «Aنۆار» ساۋدا نۇكتەلەرى جوبانىڭ سىناق رەجىمىنە قاتىسۋعا كەلىسىم بەرىپ, جۇيەگە تىركەلدى.
«قۇزىرلى ورگانعا حابارلاسپاس بۇرىن تۇتىنۋشى الدىمەن ماسەلەنى ساتۋشىمەن شەشىپ الۋى كەرەك. ەگەر دە ساتۋشى 10 كۇن ىشىندە شاعىمعا جاۋاپ بەرمەسە, ازاماتتار تۇتىنۋشىلاردىڭ قۇقىقتارىن قورعاۋ كوميتەتىنە جۇگىنە الادى», دەلىنگەن تاراتىلعان اقپاراتتا.
بىرىڭعاي جۇيە – تۇتىنۋشىلارعا, قىزمەت كورسەتۋشىلەرگە, ۇكىمەتتىك ەمەس ۇيىمدار مەن مەملەكەتتىك ورگاندارعا ارنالعان الاڭ. بۇل ءوتىنىش بەرۋ جانە ولاردىڭ قارالۋىن باقىلاۋعا ارنالعان بىرىڭعاي تەرەزەنىڭ بالاما ءتۇرى. اتالعان تەتىك تۇتىنۋشىلاردىڭ قۇقىقتارىن قورعاۋ سالاسىنداعى وزەكتى ماسەلەلەردى بارىنشا قامتىپ, جىلدام شەشۋگە سەپتەسەدى, سونداي-اق مەملەكەتتىك ورگانداردىڭ بيزنەسپەن بايلانىس ورناتۋ پروتسەدۋراسىن جەڭىلدەتەدى.
وسى رەتتە كەز كەلگەن ساۋدا نىسانىنا بىرەگەي سايكەستەندىرگىش بەرىلىپ, ول QR-كود تۇرىندە كورنەكتى جەردە ورنالىستىرىلادى.
«مىسالى, دۇكەننىڭ كىرەبەرىسىندە نەمەسە تاۋار ساتىلاتىن جەردە ورنالاستىرىلۋى مۇمكىن. ەگەر ساتىپ الۋشى ونىڭ قۇقىقتارى بۇزىلدى دەپ ساناسا, QR-كودتى سكانەرلەۋ ارقىلى جۇيەگە ەنىپ, ءتيىستى جەرگە شاعىم جىبەرۋگە مۇمكىندىك الادى», دەدى كوميتەت وكىلدەرى.
مەملەكەتتىك ورگانعا ءوتىنىش تۇسكەن جاعدايدا, تسيفرلى جۇيە اۆتوماتتى تۇردە قاي ورگان بۇل شاعىمدى قاراۋى كەرەكتىگىن انىقتايدى. تۇتىنۋشىعا مەكەن- جاي يەسى, شاعىمدى زەرتتەيتىن ادام, سودان كەيىن بارىپ شاعىم ناتيجەلەرى كورسەتىلەدى. ساتۋشى دا تۇسكەن شاعىم تۋرالى حاباردار بولادى. ءبىرىنشى كەزەڭدە جانجالدى سىرتقى تاراپتاردىڭ قاتىسۋىنسىز شەشۋگە مۇمكىندىك بەرىلىپ, بۇل كاسىپكەرلەر مەن تۇتىنۋشىلار ءۇشىن دە الدەقايدا ءتيىمدى بولماق.
جوبا اۆتورلارى مۇنىڭ كاسىپكەرلەرگە تاۋارلاردىڭ جانە تۇتىنۋشىلارعا قىزمەت كورسەتۋدىڭ ساپاسىن جاقسارتۋعا سەپتىگىن تيگىزەتىنىنە سەنىمدى. ال مەملەكەتتىك ورگاندار ءۇشىن مۇنداي شاعىمداردى جيناۋ مەن وڭدەۋدىڭ بىرىڭعاي جۇيەسى تۇتىنۋشىلاردىڭ بارلىق وتىنىشتەرىن كەڭ اۋقىمدا تالداۋعا ىقپال ەتەدى. تيىسىنشە تۇتىنۋشىلاردىڭ قۇقىقتارىن قورعاۋ جۇيەسى جاڭعىرتىلىپ, ازاماتتار قۇقىقتىق ساۋاتتىلىقتى ارتتىرۋعا مۇمكىندىك الادى.
