الماتىدا پاندەميا باستالعالى 18 163 ادام كوروناۆيرۋس ينفەكتسياسىن جۇقتىردى. الماتى قالاسى اكىمىنىڭ تاپسىرماسى بويىنشا سانيتارلىق-ەپيدەميالىق شارالاردىڭ ساقتالۋىن باقىلاۋ ماقساتىندا الماتىدا قۇرامىنا اۋدان اكىمدىكتەرىنىڭ, جەرگىلىكتى پوليتسيا قىزمەتىنىڭ وكىلدەرى, سونداي-اق «اتامەكەن» كاسىپكەرلەر پالاتاسىنىڭ قىزمەتكەرلەرى ەنگەن 32 مونيتورينگتىك توپ كۇشەيتىلگەن جۇمىستارىن جالعاستىرىپ جاتىر.
8 قازان مەن 27 جەلتوقسان ارالىعىندا 648 ءىس-شارا وتكىزىلدى, ونىڭ بارىسىندا 5464 نىسان قامتىلدى, ونىڭ ىشىندە 1100-ىندە (20,1%) كارانتيندىك شارالاردى بۇزۋ فاكتىلەرى انىقتالدى.
سونىمەن بىرگە, 25-27 جەلتوقسان ارالىعىندا تۇنگى ارالاۋ بارىسىندا 122 نىسان تەكسەرىلدى, 14 نىساندا جۇمىس رەجيمى بويىنشا بۇزۋشىلىقتار انىقتالدى.
سونىمەن قاتار جالپى تەكسەرۋ ناتيجەلەرى بويىنشا جەكە جانە زاڭدى تۇلعالارعا اقبتك-ءنىڭ 425-بابىنىڭ 1-بولىگى بويىنشا شەكتەۋ ءىس-شارالارىن ساقتاماعانى ءۇشىن جالپى سوماسى 78,1 ملن تەڭگەگە 959 اكىمشىلىك قۇقىق بۇزۋشىلىق حاتتاماسى تولتىرىلدى.
