قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى ماريا حادجيەۆا بۇگىن الماتىدا وتكەن ونلاين كەزدەسۋدە قازاقستاندىقتاردىڭ زەينەتاقى جيناقتارىنىڭ ءبىر بولىگىن جەكە سەنىمگەرلىك باسقارۋعا بەرۋ تۋرالى ايتتى.
بۇعان دەيىن بەلگىلى بولعانداي, 2021 جىلى قازاقستان ازاماتتارىنا زەينەتاقى جيناقتارىنىڭ ءبىر بولىگىن ينۆەستيتسيالىق پورتفەلدى باسقارۋشىنىڭ جەكە سەنىمگەرلىك باسقارۋعا بەرۋ مۇمكىندىگى بەرىلەدى. قابىلدانعان زاڭنىڭ نورمالارىن ىسكە اسىرۋ ماقساتىندا قارجى نارىعىن رەتتەۋ جانە دامىتۋ اگەنتتىگى زەينەتاقى اكتيۆتەرىن جەكە باسقارۋشى كومپانيالارعا بەرۋ ءتارتىبىن بەلگىلەيتىن نورماتيۆتىك قۇقىقتىق اكتىلەردى قابىلدايدى.
– ازاماتتار باسقارۋشى كومپانيانى ءوز بەتىنشە تاڭداي الادى. زەينەتاقى اكتيۆتەرىن رەتتەۋشىنىڭ ينۆەستيتسيالىق پورتفەلىن باسقارۋعا ليتسەنزياسى بار كومپانيالار باسقاراتىندىعىن اتاپ وتكىم كەلەدى. جەكە باسقارۋعا بەرىلگەن قاراجاتتىڭ ساقتالۋىن قامتاماسىز ەتۋ ءۇشىن ءتيىستى نورماتيۆتىك تالاپتار بەلگىلەنەدى, دەدى ماريا حادجيەۆا ورتالىق كوممۋنيكاتسيالار قىزمەتىندە وتكەن بريفينگ بارىسىندا.
جيىن بارىسىندا بەلگىلى بولعانىنداي, باسقارۋشى كومپانيالاردىڭ قارجىلىق تۇراقتىلىعىنا نورماتيۆتىك تالاپتار قويىلادى: مەنشىكتى كاپيتالدىڭ جەتكىلىكتىلىگى, زەينەتاقى اكتيۆتەرىنىڭ مينيمالدى كىرىستىلىگى, ينۆەستيتسيالىق پورتفەلدى باسقارۋ تاجىريبەسى (كەمىندە ءۇش جىل), سونداي-اق قازاقستاندىقتاردىڭ زەينەتاقى جيناقتارىن ينۆەستيتسيالاۋعا بولاتىن قارجى قۇرالدارىنىڭ ساپاسى مەن شەگى.
باسقارۋشى كومپانيالاردىڭ قارجىلىق تۇراقتىلىعىنا نورماتيۆتىك تالاپتار قويىلادى: مەنشىكتى كاپيتالدىڭ جەتكىلىكتىلىگى, زەينەتاقى اكتيۆتەرىنىڭ مينيمالدى كىرىستىلىگى, ينۆەستيتسيالىق پورتفەلدى باسقارۋ تاجىريبەسى (كەمىندە ءۇش جىل), سونداي-اق قازاقستاندىقتاردىڭ زەينەتاقى جيناقتارىن ينۆەستيتسيالاۋعا بولاتىن قارجى قۇرالدارىنىڭ ساپاسى مەن شەگى.
– باسقارۋشى كومپانيانىڭ زەينەتاقى اكتيۆتەرىنىڭ تابىستىلىعىنا كەپىلدىك بەرۋگە قۇقىعى جوق, بىراق ەگەر ونىڭ ناقتى كىرىستىلىگى بەلگىلەنگەن دەڭگەيدەن تومەن تۇسسە, وندا بۇل ايىرماشىلىق ءۇشىن سالىمشىلارعا ءوز ەسەبىنەن وتەماقى تولەۋگە تۋرا كەلەدى. ءسىزدىڭ اقپاراتىڭىز بويىنشا, بارلىق مەرزىم ىشىندە سالىمشىلار ولاردى ۇلتتىق بانككە قايتارا الادى نەمەسە باسقا كومپانياعا بەرە الادى. بۇل شارا باسقارۋشى كومپانيالاردىڭ دا, ازاماتتاردىڭ دا زەينەتاقىلارىن جوسپارلاۋعا جاۋاپكەرشىلىكتەرىن ارتتىرادى , – دەپ ءتۇسىندىردى ماريا حادجيەۆا.
زەينەتاقى جيناقتارىن جەكە كومپانيالارعا اۋدارۋعا بولادى جانە ولار سالىمشىلار زەينەتكەرلىك جاسقا جەتكەنشە باسقارا الادى. قاجەت بولعان جاعدايدا سالىمشىلار ءوز جيناقتارىن ءبىر باسقارۋشى كومپانيادان ەكىنشىسىنە اۋىستىرا الاتىنى دا وسى جيىندا بەلگىلى بولدى.
زەينەتاقى اكتيۆتەرىنىڭ ءبىر بولىگىن جەكە باسقارۋشى كومپانيالارعا بەرۋ ينۆەستورلاردىڭ ينستيتۋتسيونالدىق سەگمەنتىن نىعايتادى جانە ەلدىڭ قور نارىعىنىڭ دامۋىنا وڭ اسەر ەتەدى دەپ بولجاندى.
