بيرجاداعى ساۋدا-ساتتىقتا تەڭگەنىڭ اقش دوللارىنا شاققانداعى باعامى جەكسەنبىدەن بەرى (–)0,98% السىرەپ, 421,25 تەڭگە شاماسىندا تۇر. ۇلىبريتانيادا كوروناۆيرۋستىڭ جاڭا ءتۇرى پايدا بولدى دەگەن جاڭالىقتىڭ سالدارى بار, ودان قالدى, وسى وقيعاعا بايلانىستى ساپارلار مەن قوزعالىستار شەكتەلگەن سوڭ مۇناي باعاسى قۇلدىراپ, دامۋشى ەلدەردەگى نەگىزگى ۆاليۋتالاردىڭ السىرەگەنى – قازاقستان ۇلتتىق ۆاليۋتاسىنىڭ السىرەۋىنە دە ىقپال ەتتى.
ەنەرگيا تاسىمالداۋشى نارىقتارعا اسەر ەتكەن قوسىمشا جاعىمسىز فاكتوردىڭ ءبىرى – ينۆەستورلاردىڭ تومەندەيدى دەگەن بولجامىنا قاراماستان, اقش-تاعى شيكى مۇناي قورىنىڭ وسكەنى تۋرالى مالىمەت بولدى. سونىڭ سالدارىنان Brent ماركالى مۇناي وتكەن اپتانىڭ سوڭىنان بەرى 5,7% ارزانداپ, بۇگىنگى ساۋدا-ساتتىقتىڭ ازيالىق سەسسياسىندا باررەلىنە $49,26 ساتىلدى.
شيكى مۇناي قورى تۋرالى ستاتيستيكانى ەسكەرسەك, ناقتى تۇتىنۋ كولەمى كۇتىلگەن ماندەرگە جەتپەيدى, بولجانعان ماندەر وپەك+ ەلدەرىنىڭ مۇنايدى از ءوندىرۋ مەرزىمىن ۇزارتۋ تۋرالى شەشىمىنىڭ ناتيجەسىندە ەنەرگيا تاسىمالداۋشى نارىقتاردا وپتيميزم تۋدىرعان بولاتىن.
COVID-19 ۆيرۋسىنىڭ جاڭا شتاممى تابىلدى دەگەن جاڭالىققا بايلانىستى الەمدىك يندەكستەرگە دە تۇزەتۋلەر ەندى. ەۋروپالىق ءدارى-دارمەك اگەنتتىگىنىڭ تاراپىنان ەۋرووداق ەلدەرىنىڭ اۋماعىنا COVID-19-عا قارسى ۆاكتسينانى پايدالانۋعا رۇقسا بەرۋ تۋرالى جەدەل شەشىم قابىلدانعانىنا قاراماستان, ەۋروپالىق يندەكستەر دە 1,7–2,5% تومەندەدى. اقش-تىڭ قازىرگى پرەزيدەنتى د. ترامپ قولداۋدى ارتتىرۋ باعىتىندا تۇزەتۋلەر ەنگىزۋگە قاتىستى ۇسىنىستار قولداۋ تاپپاعانىن العا تارتىپ, كونگرەسس ماقۇلداعان ىنتالاندىرۋ پاكەتىنە قول قويۋدان باس تارتقاننان كەيىن اقش بيرجالارى ءارتۇرلى باعىتتاردا جابىلدى. ماسەلەن, NASDAQ رەكوردتى ءوسىم كورسەتسە, Dow Jones پەن S&P 500 يندەكستەرى ىنتالاندىرۋ پاكەتىنە قاتىستى ناقتى شەشىم بولماعان سوڭ, مينۋسپەن جابىلدى, بۇل ءوز كەزەگىندە ءوسىم ءۇشىن قوسىمشا تاۋەكەلدەر تۋدىردى.
شيكىزات نارىقتارىنىڭ قۇلدىراۋىنا بايلانىستى, دامۋشى نارىقتاردىڭ ۆاليۋتالارى وتكەن اپتانىڭ اياعىنان باستاپ تومەندەپ, سەيسەنبىدە جالپى تەرىس ماندەرمەن جابىلدى. دوللارعا شاققاندا برازيليا رەالى (–)1,6%, مەكسيكا پەسوسى (–)1,0%, وڭتۇستىك افريكانىڭ راند باعامى (–)0,9%, ءۇندىستاننىڭ رۋپياسى (–)0,7%, تۇرىك ليراسى (–)0,5%, ءۇندى رۋپياسى (–)0,4% السىرەدى.
ۆاكتسيناتسيا باستالدى دەگەن جاڭالىقتىڭ اسەرىنەن قاراشادان باستاپ ايتارلىقتاي نىعايعان رەسەي ءرۋبلى دە السىرەپ, جۇما كۇنگى (–)3,3% دەڭگەيىنەن بۇگىن ءبىر دوللار ءۇشىن 76 رۋبلگە دەيىن ارزاندادى.
تەڭگەنىڭ ايىرباستاۋ كۋرسى سىرتقى نەگىزگى فاكتورلاردىڭ ىقپالىمەن قالىپتاسىپ, ەنەرگيا تاسىمالدايتىن نەگىزگى نارىقتار مەن دامۋشى ەلدەردىڭ نارىقتارىنا ءتان ديناميكا كورسەتىپ وتىر.
