جيىنعا «قازاقستاندىق تەمىرجول, اۆتوكولىك, اۋە جانە سۋ كولىگى قىزمەتكەرلەرىنىڭ سالالىق كاسىپوداعى» «استانا» فيليالىنىڭ توراعاسى سەرىك سارسەكەەۆ, نۇر-سۇلتان قالاسىنىڭ كاسىپوداقتار ورتالىعى توراعاسىنىڭ مىندەتىن اتقارۋشى, ەلوردالىق شتابتىڭ باسشىسى تولەگەن كۇنادىلوۆ, نۇرلى جول ۆوكزالىنىڭ باستاۋىش كاسىپوداق ۇيىمىنىڭ توراعاسى بەيىمبەت ۇلازبەك قاتىستى.
كەزدەسۋدىڭ باستى ماقساتى – 2021 جىلدىڭ 10 قاڭتارىنا بەلگىلەنگەن پارلامەنت ءماجىلىسى مەن ءماسليحات دەپۋتاتتارىنىڭ سايلاۋىنا قاتىستى بولدى.
«كاسىپوداقتار فەدەراتسياسى پارلامەنت ءماجىلىسى مەن ءماسليحاتتار دەپۋتاتتارىنىڭ سايلاۋىنا بايقاۋشى رەتىندە قاتىسادى. بۇل سايلاۋ ناۋقانىن وبەكتيۆتى جانە ءادىل باعالاۋعا مۇمكىندىك بەرەدى. سونىمەن بىرگە سايلاۋ ناۋقانى الدىندا جۇمىس بەرۋشىلەردىڭ تاراپىنان ەشقانداي قىسىمنىڭ, ءمəجبۇرلى داۋىس بەرگىزۋدىڭ بولماۋىن قاداعالايدى», دەدى تولەگەن كۇنادىلوۆ.
سونىمەن قاتار قازاقستان رەسپۋبليكاسى ازاماتىنىڭ سايلاۋعا قاتىسۋى ەركىن جانە ەرىكتى ەكەنىن ايتىپ ءوتتى.
«وسى قاعيدالار ەلىمىزدىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا بەكىتىلگەن. ەگەر جۇمىس بەرۋشىلەر تاراپىنان سايلاۋعا قاتىسىپ, قانداي دا ءبىر پارتياعا داۋىس بەرۋگە قاتىستى قىسىم جاسالسا, قالالىق شتابتىڭ جەدەل جەلىسىنە حابارلاسىپ, ايتۋعا بولاىد», دەپ اتاپ ءوتتى كۇنادىلوۆ.
