ساپار بارىسىندا ايماق باسشىسى مەملەكەتتىك باعدارلامالاردىڭ ورىندالۋ بارىسىن تەكسەرىپ, «جۇمىسپەن قامتۋ جول كارتاسى» شەڭبەرىندە تەرەڭوزەك كەنتىنىڭ تۇرعىن كۆارتالىنداعى 18 پاتەرلى №1 تۇرعىن ءۇي جانە 6 پاتەردى جاپسارلاستىرۋ ارقىلى سالىنعان 18 پاتەرلى №2 تۇرعىن ءۇيدىڭ كىلتىن تاپسىرۋ راسىمىنە قاتىستى.
«جاڭا جىل مەرەكەسى قارساڭىندا جاڭا تۇرعىن ءۇيدى پايدالانۋعا بەرگەلى تۇرمىز. بۇگىنگى كۇنى مەملەكەتتىك باعدارلامالار اياسىندا ينفراقۇرىلىمدى دامىتۋ, تۇرعىن ءۇيدىڭ قۇرىلىسىن جۇرگىزۋ, اباتتاندىرۋ سەكىلدى كوپ دەگەن اۋقىمدى جۇمىستار اتقارىلۋدا. قونىستارىڭىز قۇتتى بولسىن! جاڭا ۇيلەرىڭىزدىڭ ءىشى قۋانىش پەن شاتتىققا تولسىن!», دەدى وبلىس اكىمى گۇلشارا ابدىقالىقوۆا.
ايتا كەتەيىك, بۇل جوبانىڭ قۇنى 466 ميلليون 195 مىڭ تەڭگەنى قۇرايدى. پاتەر سانى – 42. قۇرىلىس جۇمىستارىن مەردىگەر مەكەمە «نۇر-تالاپ ي ك» جشس اعىمداعى جىلدىڭ ماۋسىم ايىندا باستاعان. جالپى اۋدانى 2593,6 م2.
سىرداريا اۋدانىندا جىل كولەمىندە «جۇمىسپەن قامتۋ جول كارتاسى» شەڭبەرىندە ا.توقماعامبەتوۆ اۋىلدىق وكرۋگىندەگى №135 ورتا مەكتەپتىڭ جەرتولەسىن جاتتىعۋ زالىنا اينالدىرۋ جانە جالپى ۇزىندىعى 34,7 شاقىرىمدى قۇرايتىن ەلدى مەكەندەرىنىڭ ىشكى كوشەلىرىنىڭ جول قۇرىلىسىن جۇرگىزۋ, جەتىكول ەلدى مەكەنىندە سۋمەن جابدىقتاۋ جۇيەسىن قايتا جاڭعىرتۋ جانە كەڭەيتۋ, تەرەڭوزەك كەنتىندەگى جاڭا ىقشام اۋدانىنا ينفراقۇرىلىم جەتكىزۋ, «اۋىل ەل بەسىگى» باعدارلاماسى بويىنشا اقجارما اۋىلىنىڭ كوشەلەرىن ورتاشا جوندەۋ, جارىقتاندىرۋ سياقتى جۇمىستار اتقارىلىپ جاتىر.
