وبلىس اكىمى اپپاراتىنىڭ ادەپ جونىندەگى ۋاكىلى فاريدا احمەتوۆانىڭ مالىمەتىنە سۇيەنسەك, بىلتىر جەرگىلىكتى اتقارۋشى ورگانداردا ىشكى كونكۋرسقا قاتىسقان 9 مەملەكەتتىك قىزمەتشى لاۋازىمى جوعارى قىزمەتكە تاعايىندالىپتى. ەندى بيىلعى جىل باسىنان بەرى 33 مەملەكەتتىك قىزمەتشى مەريتوكراتيا قاعيداتىمەن جوعارىلاپ وتىر. مەملەكەتتىك ورگانداردا مەريتوكراتيا قاعيدالارىن ساقتاۋعا قاتىستى ءتۇسىندىرۋ-پروفيلاكتيكالىق جۇمىس, سونداي-اق ونىڭ ورىندالۋىنا تۇراقتى مونيتورينگ جۇرگىزىلىپ كەلەدى.
«مەملەكەتتىك قىزمەتتەگى مەريتوكراتيا – ۋاقىت تالابى. بۇل قاعيدا مەملەكەتتىك ورگاندارعا جۇمىسقا قابىلدانۋدىڭ العى شارتى ەسەبىندە قارالىپ وتىر. مەملەكەتتىك قىزمەتكە لايىقتى كادرلاردى ىرىكتەۋگە مۇمكىندىك بەرەدى. مەريتوكراتيا ءپرينتسيپىن نىعايتۋ سىبايلاس جەمقورلىقتى تامىرىمەن جويۋعا, مەملەكەتتىك قىزمەتكە تەك ساۋاتتى, بىلىكتى كادرلاردىڭ ورنالاسۋىنا ىقپال ەتەدى» دەيدى ادەپ جونىندەگى ۋاكىل فاريدا احمەتوۆا.
