«مەملەكەتتىك ينۆەستيتسيالار اياسىندا جىل سوڭىنا دەيىن 2 ملن شارشى مەتر الەۋمەتتىك تۇرعىن ءۇيدى پايدالانۋعا بەرۋ جوسپارلانىپ وتىر. 40 مىڭنان استام وتباسى مەملەكەتتىك قولداۋمەن قامتىلادى, ونىڭ ىشىندە 25 مىڭنان استامى قولجەتىمدى نەسيەلىك تۇرعىن ءۇي بەرۋ ارقىلى, 6 مىڭ جەڭىلدەتىلگەن نەسيە ارقىلى جانە 10 مىڭنان استام وتباسى الەۋمەتتىك جالدامالى تۇرعىن ۇيمەن قامتاماسىز ەتىلەدى», دەدى يندۋستريا جانە ينفراقۇرىلىمدى دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ.
ماسەلەن, اكىمدىكتەردىڭ كەزەكتەرىنىڭ الەۋمەتتىك وسال ساناتتارى ءۇشىن 1 882 ساتىلمايتىن جالعا بەرىلەتىن پاتەرلەر (نەمەسە 95 مىڭ شارشى مەتر) پايدالانۋعا بەرىلدى, جىل سوڭىنا دەيىن بۇل كورسەتكىشتى 4 142 پاتەرگە (208,2 مىڭ شارشى مەتر) دەيىن جەتكىزۋ جوسپارلانۋدا.
2019 جىلى «نۇر وتان» پارتياسىنىڭ ءحVىىى سەزىندە بەرىلگەن ەلباسى تاپسىرماسى اياسىندا از قامتىلعان كوپ بالالى وتباسىلاردى تۇرعىن ۇيمەن قامتاماسىز ەتۋى جالعاسۋدا. وسى جىلدىڭ 11 ايىنىڭ قورىتىندىسى بويىنشا 1664 پاتەر (111,7 مىڭ شارشى مەتر) سالىندى جانە ساتىپ الدى, جالپى, جىل سوڭىنا دەيىن 5288 وتباسىنى (339,8 مىڭ شارشى مەتر) قامتاماسىز ەتۋ كۇتىلۋدە. سونىمەن قاتار ءتۇرلى قارجىلاندىرۋ كوزدەردى تارتۋدىڭ ارقاسىندا تاعى 3868 كوپبالالى وتباسى باسپانالى بولدى.
ستاتيستيكا مالىمەتتەرى بويىنشا 2020 جىلدىڭ 11 ايىندا 12,1 ميلليون شارشى مەتر تۇرعىن ءۇي پايدالانۋعا بەرىلدى, بۇل 2019 جىلدىڭ سايكەس كەزەڭىنەن 9,3% ارتىق.
وسى جىلى باعدارلامانىڭ بارلىق قارجىلاندىرۋ كوزدەرىنەن بىرىڭعاي تۇرعىن ءۇي ساياساتىن جۇزەگە اسىرۋ مىندەتى اياسىندا 15 ميلليون شارشى مەتر تۇرعىن ءۇيدى (نەمەسە 150 مىڭ تۇرعىن ءۇي) پايدالانۋعا بەرۋ جوسپارلانىپ وتىر, باستاپقى جوسپار بويىنشا 14,1 ميلليون شارشى مەتر جوسپارلانعان بولاتىن.
سونىمەن قاتار تۇرعىن ۇيلەردى ۋاقىتىندا پايدالانۋعا بەرۋ ءۇشىن قۇرىلىس الاڭدارىنا قاجەتتى ينجەنەرلىك كوممۋنيكاتسيالاردى جەتكىزۋدى قامتاماسىز ەتۋ ماقساتىندا 71,8 ملرد تەڭگەگە 305 جوبا ىسكە اسىرىلۋدا.
