ء«بىر اي بۇرىن ستۋدەنتتەرمەن كەزدەسۋ كەزىندە مينيسترلىك جانىنان ستۋدەنتتىك كەڭەس قۇرىلاتىنىن ايتقان بولاتىنمىن. ونىڭ قۇرامىدا ءاربىر ءىرى جوو-نىڭ ستۋدەنتتەرى اراسىنان ءبىر كوشباسشى جانە رەسپۋبليكالىق جاستار ۇيىمىنان ءبىر كوشباسشى بولادى. جوو اتىنان قابىلدانعان كوشباسشىلار ستۋدەنتتىك ءوزىن-ءوزى باسقارۋ ورگاندارىنىڭ توراعالارى بولۋى كەرەك.
ءمينيستردىڭ ايتۋىنشا, ستۋدەنتتەر ماسەلەلەرى جونىندەگى كەڭەستىڭ وتىرىستارىندا جاستاردىڭ باستامالارىن دامىتۋعا جانە ستۋدەنتتەردى قولداۋعا قاتىستى سۇراقتاردى, بعم قۇزىرەتىنە كىرەتىن بارلىق ماسەلەلەر تالقىلانادى. كوشباسشىلار ماڭىزدى ماسەلەلەردى كوتەرىپ, ءوز يدەيالارىن تىكەلەي باعىتتاۋعا مۇمكىندىك الادى.
«بەلگىلەنگەن العاشقى وتىرىستا ءبىز جاستارمەن تانىسىپ, بولاشاققا جوسپارلاردى تالقىلاپ, جۇيەلى تۇردە ءوزارا جۇمىس جۇرگىزۋگە كەلىستىك. ءوز كەزەگىمدە جاستار ۇيىمدارى مەن جوو كوشباسشىلارىنا اتقارىلىپ جاتقان جۇمىستار تۋرالى ايتتىم. ولار: شاكىرتاقىنى ارتتىرۋ, وقىتۋ ساپاسىنا قاتىستى ماسەلەلەر, جوو-لاردى وڭتايلاندىرۋ, ستۋدەنتتىك جاتاقحانالار سالۋ جانە ت. ب.
ستۋدەنتتەر ماسەلەلەرى جونىندەگى كەڭەستىڭ كەلەسى وتىرىسىن جاڭا جىلدىڭ قاڭتار ايىندا وتكىزۋدى جوسپارلاپ وتىرمىز. ءبىز جاستارمەن ەڭ وزەكتى ماسەلەلەردى تالقىلاپ, ولاردى شەشۋدىڭ ناقتى ستراتەگياسىن جاسايمىز. مۇنداي كەزدەسۋلەر ءار توقسان سايىن وتكىزىلەتىن بولادى», دەپ جازدى مينيستر ا. ايماعامبەتوۆ.
