الماتى اكىمدىگىنىڭ حابارلاۋىنشا, قالا اكىمنىڭ تاپسىرماسى بويىنشا مونيتورينگتىك توپتار جۇمىسىن كۇشەيتىلگەن رەجيمدە جالعاستىرۋدا.
ماقساتى – كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن سانيتارلىق-ەپيدەميالىق قاۋىپسىزدىك نورمالارىنىڭ ساقتالۋىن قامتاماسىز ەتۋ.
الماتى قالاسىنىڭ باس مەملەكەتتىك سانيتارلىق دارىگەرىنىڭ 26.10.2020 جىلعى № 64 قاۋلىسىنا سايكەس:
- ويىن-ساۋىق, سپورتتىق ءىس-شارالاردى, كورمەلەردى, فورۋمداردى, كونفەرەنتسيالاردى, سونداي-اق وتباسىلىق, سالتاناتتى, مەرەكەلىك, ەستەلىك ءىس-شارالاردى ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى ءۇي-جايلاردا جانە اشىق اۋادا وتكىزۋگە تىيىم سالىنادى;
- ال 25 جەلتوقساننان 5 قاڭتارعا دەيىن – بارلىق ۇيىمدار مەن مەكەمەلەردە جاڭا جىلدىق ءىس-شارالاردى وتكىزۋگە, سونداي-اق انيماتورلاردى ("اياز اتا, اقشاقار جانە) شاقىرۋ بويىنشا اگەنتتىكتەردىڭ جۇمىسىنا تىيىم سالىنادى;
- ويىن-ساۋىق مەكەمەلەرىنىڭ (كاراوكە, بيليارد, كومپيۋتەرلىك, تۇنگى كلۋبتار مەن ويىن كلۋبتارى, بوۋلينگ-ورتالىقتار, بالالاردىڭ سپورتتىق جانە ويىن الاڭدارى مەن اتتراكتسيوندارى, باتۋتتار, كورتتار جانە باسقا دا جابىق ءۇي-جايلارداعى), سونداي-اق بۋكمەكەرلىك كەڭسەلەر مەن لوتوكلۋبتارعا بارۋعا تىيىم سالىنعان.
ايتا كەتۋ كەرەك, الماتى قالاسىنداعى ەپيدەميالىق احۋال كۇردەلى جاعدايدا تۇر. جىل باسىنان بەرى اۋماقتا كوروناۆيرۋستىق ينفەكتسيانىڭ 17 995 جاعدايى تىركەلدى.
الماتى اكىمدىگى قالا تۇرعىندارى مەن قوناقتارىن بەلگىلەنگەن تالاپتاردى ساقتاۋعا جانە كوپشىلىك جينالاتىن ورىندارعا, اسىرەسە قىزمەتىنە تىيىم سالىنعان مەكەمەلەرگە بارۋدان باس تارتۋعا شاقىرادى.
كارانتيندىك شارالاردى بۇزعانى ءۇشىن زاڭدى تۇلعالارعا دا, جەكە تۇلعالار دا جاۋاپكەرشىلىك قاراستىرىلعان.
