قازىر تۇرعىندارعا تەحنيكالىق پاسپورتتار ۇلەستىرىلىپ جاتىر. بۇل تۋرالى ەلوردا اكىمى التاي كولگىنوۆ ءوز ينستاگرام پاراقشاسىندا جازدى.
«جاڭا جىل قارساڭىندا نۇر-سۇلتاننىڭ «ساقالدى» قۇرىلىستارىنىڭ بىرىنە نۇكتە قويىلدى! بۇل قۇرىلىس سەگىز جىلعا سوزىلعان – «جاعالاۋ-3» تك, 30-بلوك. ءۇيدىڭ ءوزى پايدالانۋعا بەرىلدى. قازىر تۇرعىندارعا كوپتەن كۇتكەن پاتەرلەرىنە تىركەۋگە تۇرۋىنا, ەمحانالارعا, بالالارىن مەكتەپكە, بالاباقشاعا تىركەۋىنە مۇمكىندىك بەرەتىن تەحنيكالىق پاسپورتتارى ۇلەستىرىلىپ جاتىر», دەپ جازدى التاي كولگىنوۆ.
ايتۋىنشا, بۇل تۇرعىن ءۇي كەشەنىندە الاياقتارعا الدانىپ قالعان 600-دەن استام وتباسى بار.
«ۇلەسكەرلەرمەن وتكەن العاشقى كەزدەسۋىمىزدە ۇزاق كۇتكەن پاتەرلەرىنە قونىستانا الاتىنىنا سەنىمسىزدىك تانىتقان ەدى. الايدا قۇرىلىستى اياقتاۋ ءۇشىن جۇمىسىمىزدى كەزەڭ-كەزەڭىمەن جۇرگىزدىك. تۇيتكىلدى ماسەلەلەر كوپ بولدى: بۇل ءۇيدىڭ قاسبەتى, ينجەنەرلىك جەلىلەر (سۋمەن جابدىقتاۋ, جىلىتۋ, كارىز جەلىسى, ەلەكتر ەنەرگياسى), كىرەبەرىستەردىڭ ىشكى ارلەۋى, ليفتىلەر, قۇجاتتاردىڭ تولىق تىزبەسىنىڭ بولماۋى, اباتتاندىرۋ», دەدى قالا اكىمى.
قازىر ءىستىڭ باسىم بولىگى شەشىلدى, تەك ماماندار اتقاراتىن كەيبىر تەحنيكالىق جۇمىستارى عانا قالدى.
