الماتى قالاسى اكىمىنىڭ ورىنباسارى ەرجان باباقۇماروۆ الاتاۋ اۋدانىنداعى № 196 جالپى ءبىلىم بەرەتىن مەكتەپتە بولدى.
بۇل ءبىلىم بەرۋ ءۇيىمى ۇش اۋىسىممەن وقيتىن جالعىز مەكتەپ. ساپار بارىسىندا باباقۇماروۆ «راحات» شاعىن اۋدانداعى قازىر جۇمىس ىستەپ تۇرعان №196 مەكەمەنىڭ ورنىنا 1 500 ورىندىق جاڭا مەكتەپ سالۋ ءۇشىن دايىندىق جۇمىستارىنىڭ بارىسىن تەكسەردى. بۇگىندە قۇرىلىس جۇمىستارى باستالدى, ول 2021 جىلى اياقتالادى. جوبا «جۇمىسپەن قامتۋدىڭ جول كارتاسى» باعدارلاماسى اياسىندا جۇزەگە اسىرىلادى, بۇل جاڭا جۇمىس ورىندارىن قۇرۋدى بىلدىرەدى.
بالا تۋ كورسەتكىشىنىڭ جوعارى بولۋىنا جانە بەلسەندى كوشى-قون پروتسەستەرىنە بايلانىستى ورىن تاپشىلىعى ورتا ءبىلىم بەرۋ سالاسىندا, ونىڭ ىشىندە شەت ايماقتارداعى بۇرىن قۇرىلىس جۇمىستارى جۇرگىزىلمەگەن ءبىلىم بەرۋ نىساندارىندا دا ساقتالىپ وتىرعانىن اتاپ وتكەن ءجون.
پاندەمياعا قاراماستان بيىل 2 مەكتەپ سالىندى, 2021 جىلى 8 مەكتەپ جانە 17 جاپسارلاس قۇرىلىس سالىناتىن بولادى. بۇل رەتتە, 8 مەكتەپتىڭ 3-ەۋى (ارقايسىسى 1500 ورىندىق) الاتاۋ اۋدانىنىڭ دارحان جانە توميريس جاڭا شاعىن اۋداندارىندا جانە تۇركسىب اۋدانىنداعى قايرات شاعىن اۋدانىندا سالىنۋدا.
جالپى, قابىلدانىپ جاتقان شارالار قوسىمشا 23 مىڭ وقۋشى ورنىن قۇرۋعا جانە 2021 جىلى وقۋشى ورىندارىنىڭ تاپشىلىعىن 73% - عا قىسقارتۋعا مۇمكىندىك بەرەدى.
