قارجى ساراپشىلارى بانك ەندى الداعى ۋاقىتتا Freedom Finance Bank Kazakhstan بولىپ وزگەرتىلۋى مۇمكىن ەكەنىن ايتىپ جاتىر.
Freedom Holding Corp باس ديرەكتورى تيمۋر تۋرلوۆتىڭ ايتۋىنشا, بۇل قارجى ينستيتۋتى ينۆەستيتسيالىق كومپانيانىڭ كليەنتتەرىنە ونىمەن ەسەپ ايىرىسۋدى جىلدام ءارى ارزان ەتۋگە, سونداي-اق ينۆەستيتسيالاۋعا مۇمكىندىك بەرەدى.
«ەندى ءبىز ءوز كليەنتتەرىمىزدىڭ قازاقستاندا بىزبەن تەزىرەك جانە ارزانىراق ەسەپ ايىرىسا الاتىنىنا, ەڭ جاقسى تولەم شەشىمدەرىنە قول جەتكىزە الاتىنىنا كوز جەتكىزە الامىز. سول ارقىلى ءبىزدىڭ باسقا سەرىكتەستەرىمىز, سونىڭ ىشىندە بانك ارقىلى ينۆەستيتسيالاۋعا مۇمكىندىك الادى», دەدى تيمۋر تۋرلوۆ YouTube-تەگى تىكەلەي ەفير كەزىندە.
بۇعان دەيىن حولدينگتىڭ باسشىسى تيمۋر تۋرلوۆ ساتىپ الىنعان بانك ءبىرىنشى كەزەكتە ينۆەستيتسيالىق بانكتىڭ بيزنەسىنە نازار اۋداراتىنىن مالىمدەگەن بولاتىن.
ول سونداي-اق حولدينگ وسى قارجى ينستيتۋتى نەگىزىندە قازاقستاندىق بروكەرلىك كومپانيالارعا كاستوديان قىزمەتىن سالۋدى جوسپارلاپ وتىرعانىن اتاپ ءوتتى.
ەستەرىڭىزگە سالا كەتەيىك, ونىڭ قۇرامىنا «فريدوم فينانس» اق كىرەتىن «فريدوم حولدينگ كورپوراتسياسى» Kassa Nova بانكىن 2020 جىلدىڭ تامىز ايىنىڭ باسىندا ساتىپ الۋ جوسپارىن جاريالادى. 21 جەلتوقساندا رەتتەۋشى - قارجى نارىعىن رەتتەۋ جانە دامىتۋ اگەنتتىگى قارجى ينستيتۋتىن ساتىپ الۋعا رۇقسات بەرۋ تۋرالى حابارلادى.
بۇرىن باق ارقىلى حابارلاعانداي, اقش-تىڭ باعالى قاعازدار جانە بيرجالار جونىندەگى كوميسسياسىنىڭ سايتىندا جاريالانعان مالىمەتتەرگە سايكەس, Freedom Holding Corp. شامامەن 41 ميلليون دوللارعا «بانك Kassa Nova» اق 9,3 ميلليون جاي اكتسيالارىن ساتىپ الۋدى جوسپارلادى.
كەلىسىم شارتتارىنا سايكەس سوڭعى سوما بىرقاتار شارتتارعا بايلانىستى وزگەرۋى مۇمكىن.
قازاقستان رەسپۋبليكاسى ۇلتتىق بانكىنىڭ اعىمداعى مالىمەتتەرى بويىنشا, 2020 جىلدىڭ جەلتوقسان ايىنىڭ باسىندا كاسسا نوۆانىڭ اكتيۆتەرى شامامەن 91,6 ميلليارد تەڭگەنى قۇرادى. وسى كورسەتكىش بويىنشا جۇمىس ىستەپ تۇرعان ەكىنشى دەڭگەيلى 26 بانكتىڭ ىشىندە 19-شى ورىنعا يە بولدى.
