مامانداردىڭ ايتۋىنشا, كۇرە جولداردى باسىپ قالۋ قاۋپى بار بەتكەيلەردە 70 سانتيمەتردەي قار جينالعان.
«بيىل وسكەمەن – تاۋلى ءۇلبى, وسكەمەن – التاي, وسكەمەن – سامار اۆتوجولدارىندا جاساندى جولمەن العاشقى كوشكىنى تۇسىردىك. الداعى مەرەكەلەردە حالىق اۋىلدارىنا, دەمالىس بازالارىنا ەش ۇرەيسىز شىعا بەرۋلەرىنە بولادى», دەدى «قازسەلدەنقورعاۋ» شقو فيليالىنىڭ ديرەكتورى ومار دۇزگەمباەۆ.
جۇرگىزىلگەن 10 جارىلىستىڭ ناتيجەسىندە 4 470 تەكشە مەتر قار ماسساسى ءتۇسىرىلدى.
شىعىس قازاقستاندا قار كوشكىنى قاۋپى بار ۋچاسكەلەر سانى 497 بولسا, ولاردىڭ 336-سى نىساندار مەن ادام ومىرىنە قاۋىپ توندىرەدى.
