بۇل تۋرالى الماتى اكىمى باقىتجان ساعىنتاەۆتىڭ توراعالىق ەتۋىمەن وتكەن جۇمىس كەڭەسى بارىسىندا حابارلاندى. جيىن بارىسىندا ازىق-ت ۇلىك قاۋىپسىزدىگى جانە الەۋمەتتىك ماڭىزى بار ازىق-ت ۇلىك ونىمدەرىنىڭ باعالارىن ۇستاپ تۇرۋ ماسەلەلەرى تالقىلاندى.
الماتىدا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ءۇشىن شامامەن 9 ميلليارد تەڭگە جۇمسالاتىن بولادى. بۇل قارجى رەتتەۋ تەتىكتەرىن ىسكە اسىرۋعا, ونىڭ ىشىندە قالانىڭ ساۋدا جۇيەلەرىندە كەلىسىلگەن باعامەن ساتىلاتىن تاۋارلار جەلىسىن ۇلعايتۋعا ارنالعان.
بۇگىنگى كۇنى «Maگنۋم» ساۋدا جەلىسىمەن الەۋمەتتىك ماڭىزى بار ازىق-ت ۇلىك ونىمدەرىن 10-نان 13 پوزيتسياعا دەيىن ۇلعايتۋ جونىندە كەلىسىمدەر جاسالدى. وعان قانت, كۇنباعىس مايى, سيىر ەتى سياقتى ونىمدەر ەنگىزىلدى.
سونىمەن قاتار جەكەلەگەن پوزيتسيالار بويىنشا ساۋدا تاڭبالارىنىڭ ءتىزىمى 10-نان 24 اتاۋعا دەيىن ۇلعايادى. ولار: كۇنباعىس مايى - 5, كۇرىش - 3, جۇمىرتقا - 2, تاۋىق ەتى - 4. بۇلاردان وزگە, كەلىسىلگەن باعامەن ساتىلاتىن ونىمدەردىڭ جالپى كولەمى 8,5 مىڭ تونناعا دەيىن ارتادى.
«سابىرجان Company» جشس-مەن جاسالعان قولدانىستاعى نەسيەلىك كەلىسىمنىڭ اياسىندا 2021 جىلدىڭ 1 قاڭتارىنان باستاپ «تويمارت» ساۋدا جەلىسىندە الەۋمەتتىك ماڭىزى بار ازىق-ت ۇلىك ونىمدەرىن 7-دەن 12 پوزيتسياعا دەيىن ارتتىرۋ جوسپارلانۋدا, ولار - قانت, كۇنباعىس مايى, پياز, قىرىققابات جانە ايران. ساۋدا بەلگىلەرىنىڭ سانى 7-دەن 15-كە دەيىن وسەدى. ازىق-ت ۇلىك ونىمدەرىنىڭ جالپى كولەمى 1,8 مىڭ تونناعا دەيىن ۇلعايادى.
قابىلدانعان شارالار باعانى تۇراقتاندىرۋعا باعىتتالعان.
ايتا كەتەيىك, قالادا ديستريبيۋتورلارمەن جانە وندىرۋشىلەرمەن جالپى سوماسى 2,5 ميلليارد تەڭگە بولاتىن «فيۋچەرلىك» كەلىسىمشارتتار جاساۋ بويىنشا جۇمىستار باستالدى. اتالعان قارجى 2021-2022 جىلدارداعى ماۋسىم ارالىعى كەزەڭىندە 21 مىڭ توننا كوكونىستى دايىنداۋعا جۇمسالاتىن بولادى, بۇل جالپى تۇتىنۋدىڭ 20%-ىن قۇرايدى.
قازىرگى كەزدە الماتى قالاسىنىڭ ازىق-ت ۇلىكتى تۇراقتاندىرۋ قورىنا 3,3 مىڭ توننا ءونىم ساتىپ الۋ جۇمىستارى قوسىمشا پىسىقتالۋدا, ونىڭ ىشىندە 2 مىڭ توننا قانت, 1 مىڭ توننا كۇرىش جانە 0,3 توننا قاراقۇمىق بار.
