2020 جىلعى ماۋسىمدا «قازاقستاننىڭ ينۆەستيتسيالىق قورى» اق (زاۋىت بالانسىنا وتكەن) جانە Kusto Group حالىقارالىق كومپانيالار توبىنا كىرەتىن «Semey Tannery» جشس كومپانياسى اراسىندا سەمەي قالاسىندا بىلعارى كومبيناتىن كەيىننەن ساتىپ الۋ قۇقىعىمەن م ۇلىكتى جالعا الۋ شارتىنا قول قويىلدى.
ينۆەستور بىرقاتار جوندەۋ جۇمىستارىن جۇرگىزىپ, 2020 جىلدىڭ تامىز ايىندا جۇمىسقا كىرىستى. كاسىپورىندا حابارلاعانداي, كومبيناتتا ايىنا 250 تونناعا دەيىن شيكىزات وڭدەلەدى. كومبيناتتىڭ ماكسيمالدى قۋاتى جىلىنا 1,7 ملن شارشى مەترگە دەيىن wet blue جارتىلاي فابريكاتىن قۇراۋى مۇمكىن. جارتىلاي فابريكاتتاردى ءوندىرۋ تەحنولوگياسىندا قولدانىلاتىن شيكىزات پەن قاجەتتى حيميالىق زاتتاردى جەرگىلىكتى ءونىم بەرۋشىلەر جەتكىزەدى, سونىمەن قاتار رەسەيدەن ءىشىنارا ساتىپ الىنادى.
«بۇگىندە ءبىز زاۋىتتا وڭدەۋگە دايىن 800 تونناعا جۋىق ءىرى قارا تەرىسىن ساتىپ الدىق. ءبىز ءالى جوعارى قۋاتقا جەتكەن جوقپىز. سەبەبى پاندەميا اسەر ەتتى, ەلدەر مەن ايماقتار اراسىنداعى شەكارالار جابىلعان كەزدە دايىن ءونىمدى ەكسپورتتاۋعا, قاجەتتى حيميكاتتاردى يمپورتتاۋعا, ايماقتاردان شيكىزات الۋعا مۇمكىندىك بولمادى. بۇل قيىندىق تۋدىردى, سوعان قاراماستان بارىنە توتەپ بەرىپ, ءوندىرىس قارقىنىن بىرتىندەپ ارتتىرۋدامىز. قازىرگى ۋاقىتتا زاۋىت جۇكتەمەسى شامامەن 30-40 پايىزدى قۇرايدى. قازان ايىندا ءونىمنىڭ العاشقى پارتياسى ەكسپورتقا جونەلتىلدى.
ءبىز قازاقستان بويىنشا شيكىزات ساتىپ الۋ جەلىسىن قۇرىپ, وتاندىق تاۋار وندىرۋشىلەرمەن سەرىكتەستىكتى جولعا قويدىق», دەدى «Semey Tannery» جشس اتقارۋشى ديرەكتورى رۋسلان بيسەنوۆ.
كومبينات ونىڭ نەگىزگى قىزمەت ءتۇرى بويىنشا ىسكە قوسىلدى: ىقم تەرىسىن وڭدەۋ, wet blue حرومدى يلەۋدىڭ ەكسپورتقا باعدارلانعان جارتىلاي فابريكاتى بىلعارى ءونىمىن ءوندىرۋ جانە ساتۋ. كاسىپورىندا 100-گە جۋىق ادام جۇمىس ىستەيدى.
الداعى ۋاقىتتا ءوندىرىس وشاعىندا جاڭا ءونىم شىعارۋ كوزدەلگەن. «2021 جىلى ءوندىرىستى ۇلعايتۋدى جوسپارلاپ وتىرمىز. ياعني, ەگەر جەلتوقسان ايىندا 250 توننا شيكىزاتتى قايتا وڭدەۋگە الساق, وندا اي سايىن, قاڭتاردان باستاپ 300 توننا, 350 توننا جانە ت.ب. كولەمگە دەيىن ۇلعايتۋعا قول جەتكىزەمىز دەپ جوسپارلاپ وتىرمىز. ەلىمىزدەگى ساپاسىز شيكىزات پەن تەرىنى قايتا وڭدەۋ تاجىريبەسىنىڭ جوقتىعىنا بايلانىستى زاۋىت ءۇشىن جاڭا ءونىم سانالاتىن بەلكوزين مەن جەلاتين شىعارۋدى جولعا قويۋ كوزدەلگەن. مۇنداي ءونىم ەلىمىزدە دە, شەتەلدە دە سۇرانىسقا يە, بىراق ازىرگە قازاقستاندا شىعارىلمايدى», دەدى كاسىپورىننىڭ كوممەرتسيالىق ديرەكتورى ولەسيا باۋەر.
Wet blue جارتىلاي فابريكاتى – حرومدى يلەۋدىڭ جوعارى ساپالى جارتىلاي فابريكاتى, ونىڭ ءوندىرىسى ءۇش فازالى توتىعۋ ۇدەرىسىن قامتيدى. جارتىلاي فابريكات جوعارى ساپادان بولەك بەرىكتىگى مەن قولايلى وزىندىك قۇنىمەن ەرەكشەلەنەدى. بۇل جارتىلاي فابريكاتتى جەڭىل, بىراق جىلى كۇرتەشەلەر, اياقكيىم, اكسەسسۋارلار شىعارۋ ءۇشىن پايدالانۋعا بولادى: قاقپاقتاردىڭ بارلىق تۇرلەرى, بەلدىكتەر جانە ت.ب. وندىرۋگە پايدالانادى. بەلكوزين – تابيعي اقۋىز ءونىمى, بۇل تەرىنى جانە شەلدى الىپ تاستاعاننان كەيىن قالادى, تاعامدىق قوسپالاردى, مامانداندىرىلعان جەمدى, سونداي-اق شۇجىققا ارنالعان جەۋگە بولاتىن قابىقتى جاساۋ ءۇشىن قولدانىلادى. كەلەسى دەڭگەي – جەلاتين, قازاقستاندا بۇل ءونىم تولىعىمەن يمپورتتىق سانالادى. جەلاتين – ءىشىنارا گيدروليزدەنگەن اقۋىز, جانۋارلاردىڭ دانەكەر ءتىنىن وڭدەۋدىڭ ءونىمى. ازىق-ت ۇلىك ونىمدەرىن, كاپسۋلا تۇرىندەگى فارماتسەۆتيكالىق دارىلىك زاتتاردى, دارىلىك كاپسۋلالارعا ارنالعان سۋدا ەريتىن قابىقتار, كىر جۋاتىن جانە ىدىس جۋاتىن ماشينالاردىڭ تابلەتكالارى جانە ت.ب. دايىنداۋ ءۇشىن قولدانىلادى.
